Дар Душанбе Конфронси минтақавии иттифоқҳои касабаи Осиёи Марказӣ доир шуд

Октябрь 26, 2022 08:50

ДУШАНБЕ, 26.10.2022 /АМИТ «Ховар»/. 24-25 октябр дар шаҳри Душанбе Конфронси минтақавии иттифоқҳои касабаи Осиёи Марказӣ баргузор гардид. Дар ин бора ба АМИТ «Ховар» дар Федератсияи иттифоқҳои касабаи мустақили Тоҷикистон (ФИКМТ) хабар доданд.

Конфронси мазкур дар доираи силсилачорабиниҳо бахшида ба Рӯзи иттифоқҳои касабаи Тоҷикистон, ки бо ташаббуси ФИКМТ дар ҳамкорӣ бо Ташкилоти байналмилалии меҳнат 24 октябр таҷлил гардид, доир шуд.

Дар кори он масоили мубрами иттифоқҳои касабаи Осиёи Марказӣ мавриди баррасӣ қарор гирифта, роҳбарон ва фаъолони иттифоқҳои касабаи кишварҳои Тоҷикистон, Узбекистон, Қазоқистон ва ҳайати Ташкилоти байналмилалии меҳнат иштирок намуданд.

Раиси Федератсияи иттифоқҳои касабаи мустақили Тоҷикистон Маликшо Нематзода иброз дошт, ки маҳз бо ташаббуси роҳбарони федератсияҳои иттифоқҳои касабаи Тоҷикистон, Узбекистон ва Қазоқистон дар таърихи беш аз 100-солаи иттифоқҳои касаба дар минтақа бори нахуст соли 2021 Шӯрои иттифоқҳои касабаи Осиёи Марказӣ таъсис дода шуд, ки соли дуюм аст фаъолона амал мекунад. Дар ин давра аллакай шумораи кишварҳои аъзои он бо ворид шудани ҷумҳуриҳои Қирғизистону Муғулистон ба панҷ адад расида, бо Ташкилоти байналмиллалии меҳнат ва дигар ташкилоти соҳавӣ ҳамкории судманд ба роҳ монда шудааст.

Зимни конфронс гузориши ҳайатҳои иштирокчӣ дар мавзӯи «Дар бораи мавқеи иттифоқҳои касаба дар таъмини риояи ҳуқуқи кормандон ба бехатарӣ ва солимии шароити меҳнат дар қонунгузорӣ ва дар амал» пешниҳод гардид.

Ҳамчунин  ҳадафҳои Шӯрои иттифоқҳои касабаи Осиёи Марказӣ дар давраи минбаъда, аз ҷумла таъмини мувофиқати пурраи сохтори миллии ҳифзи меҳнат, конвенсияҳои амалкунанда ва дигар меъёрҳои байналмилалӣ ҷиҳати риояи намояндагӣ ва мандати давлатии бозрасии меҳнат, аз ҷумла дар заминаи дахлдор;  мувофиқаи роҳҳои фаъол намудани ҳамкории инфиродӣ ва муштараки аъзои Шӯрои иттифоқҳои касабаи Осиёи Марказӣ ва ҳамкории онҳо бо ташкилоти байналмилалӣ (ташкилоти байналмилалии дахлдор, аз ҷумла созмонҳои байналмилалӣ ва муассисаҳои минтақавии молиявӣ) бо мақсади тақвияти ҳамоҳангсозии сиёсӣ, дахли маҷмӯӣ ва муносибатҳои муҳим байни сиёсати иҷтимоӣ, тиҷоратӣ, молиявӣ, иқтисодӣ, сиёсати экологӣ ва мусоидати минбаъдаи сиёсат дар бобати муҳимияти самаранокии тартиби бозрасии меҳнат муайян карда шуданд.

Пас аз фарҷоми конфронси минтақавӣ меҳмонон аз Маҷмааи таърихии шаҳри Ҳисор ва Неругоҳи барқи обии «Норак» дидан карда, таассуроти нек бардоштанд.

 

Акс: ФИКМТ

Октябрь 26, 2022 08:50

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд