Дар Хуҷанд ба истиқболи 30-солагии Иҷлосияи XVI Шӯрои Олии Тоҷикистон зеботарин боғ ифтитоҳ меёбад
ДУШАНБЕ, 10.10.2022 /АМИТ «Ховар»/. Начандон дуртар аз маркази маъмурии вилояти Суғд, дар рӯ ба рӯи Қасри таърихии «Арбоб», воқеъ дар ноҳияи Бобоҷон Ғафуров, ки 30 сол қабл дар он ҷо Иҷлосияи таърихии 16-уми Шӯрои Олӣ баргузор шудаву муҳтарам Эмомалӣ Раҳмон Сарвари давлат интихоб гардиданд, бунёди боғи зеботарин идома дорад.
Тавре дар хадамоти матбуоти Раиси вилояти Суғд хабар доданд, сохтмони ин боғ ба ифтихори 30-солагии яке аз рӯйдодҳои муҳимтарин ва тақдирсоз — Иҷлосияи XVI Шӯрои Олии Ҷумҳурии Тоҷикистон, ки имсол таҷлил карда мешавад, роҳандозӣ шуда, дар назар аст, ки он миёнаҳои моҳи ноябр ба истифода дода шавад.
Дар ҳудуди боғ корҳои батартибдарории роҳравҳо, насби курсиҳо ва фаввораҳо ҷараён доранд. Мувофиқи нақшаи лоиҳа, иншоот дарвозаҳои асосӣ, ҷойҳои истироҳатӣ, гулгашту фаввораҳо, инчунин таваққуфгоҳи мошинҳоро дар бар хоҳад гирифт.
Ёдовар мешавем, ки 16 ноябри соли 1992 дар шаҳри Хуҷанд Иҷлосияи 16-уми Шӯрои Олии Ҷумҳурии Тоҷикистон даъват шуда, Эмомалӣ Раҳмон раиси он интихоб гардиданд. Муаррихону коршиносони сершумори дохиливу хориҷӣ ин иҷлосияро рӯзи барқарории сохти конститутсионӣ, оғози сулҳу субот, рушди иқтисодӣ ва парлумонӣ дар Тоҷикистон медонанд.
АКС аз манбаъҳои боз
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Робитаҳои байнипарламентии Тоҷикистону Туркия густариш меёбанд
Дар иҷлосияи дуюми Маҷлиси намояндагони Маҷлиси Олӣ, даъвати ҳафтум ду созишнома қабул шуд
Нахустин Форуми байнипарлумонии Осиёи Марказӣ ва Иттиҳоди Аврупо баргузор гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Ҳамкории байнипарламентии Тоҷикистону Узбекистон тақвият меёбад
Вакилони тоҷик дар гуфтугӯи байнипарлумонӣ доир ба тақвияти қонунгузорӣ барои таъмини рушди баробарии гендерӣ иштирок намуданд
Наврӯз дар рӯи замин сулҳ ва дӯстӣ меофарад
Дар иҷлосияи дуюми Маҷлиси намояндагони Маҷлиси Олӣ, даъвати ҳафтум созишнома ба тасвиб расид
ТАМАДДУНИ ХАЛҚИ ТОҶИК БА НАВРӮЗ ПАЙВАНДИ НОГУСАСТАНӢ ДОРАД. Мулоҳизаҳои муовини Раиси Маҷлиси намояндагон Мавсума Муинӣ дар ин мавзуъ
Ҷаласаи навбатии Комиссияи ҳамкории байнипарлумонии Тоҷикистон ва Русия доир шуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
