Дар шаҳри Левакант синфхонаҳои иловагӣ ба истифода дода шуданд
ДУШАНБЕ, 16.10.2022 /АМИТ «Ховар»/. Дар асоси дастгирии роҳбарияти Ҳукумати Ҷумҳурии Тоҷикистон, Вазорати маориф ва илми кишвар бо ташаббуси Сафорати Ҷопон дар Тоҷикистон дар шаҳри Левакант бинои синфхонаҳои иловагӣ дар назди муассисаи таълимии рақами 6 ифтитоҳ ёфт. Дар ин бора ба АМИТ «Ховар» дар Раёсати маорифи вилояти Хатлон хабар доданд.
Дар маросими кушодашавии иншооти мазкур раиси вилоят Қурбон Ҳакимзода, роҳбарияти шаҳри Левакант Бунафша Файзиддинзода ва намояндаи Сафорати Ҷопон дар Тоҷикистон Тошиҳиро Аики ширкат доштанд.
Қабл аз ифтитоҳи бинои синфхонаҳои иловагӣ дар назди муассисаи таълимии рақами 6, воқеъ дар деҳаи Тоҷирони Ҷамоати деҳоти Гулистони шаҳри Левакант раиси вилоят Қурбон Ҳакимзода бо гирандагони стипендияи президентӣ, иштирокчиёни озмунҳои ҷумҳуриявии «Фурӯғи субҳи доноӣ китоб аст», «Илм – фурӯғи маърифат», ғолибони олимпиадаҳои фаннӣ ва варзишгарони шаҳр суҳбати самимӣ орост. Сипас дар саҳни ин таълимгоҳ бо иштироки Раиси вилоят Қурбон Ҳакимзода, Сафири Фавқулода ва Мухтори Ҷопон дар Ҷумҳурии Тоҷикистон Тошиҳиро Аики, роҳбарияти шаҳри Левакант ҷамъомад баргузор гашт.
Раиси вилояти Хатлон Қурбон Ҳакимзода иброз дошт, ки бо дастгирии ҳукумати кишвар, Вазорати маориф ва илми Ҷумҳурии Тоҷикистон, ташаббуси Сафоратхонаи Ҷопон дар Ҷумҳурии Тоҷикистон бунёд гаштани 8 синфхонаи иловагӣ ва як утоқи кории омӯзгоронро бо тарҳи муосир дар назди муассисаи таълимии рақами 6-и шаҳри Левакант идомаи ин тадбирҳои созандагист.
Бо дастгирии ҳукумати кишвар ва ташаббуси Сафоратхонаи Ҷопон дар Ҷумҳурии Тоҷикистон дар 4 ноҳияи ҳудуди вилоят иншооти соҳаҳои маорифу тандурустӣ бунёд ва мавриди баҳрабардорӣ қарор гирифтаанд.
Дар ҷараёни ҷамъомад Сафири Фавқулода ва Мухтори Ҷопон дар Ҷумҳурии Тоҷикистон Тошиҳиро Аики гуфт, ки дар шаҳри Левакант бо ташаббуси Сафоратхонаи Ҷопон дар доираи татбиқи кумаки бебозгашти мардуми Ҷопон ҳамчун рамзи дӯстӣ ва ҳамкорӣ байни Ҷопон ва Тоҷикистон ду иншоот, корхонаи бонувони болаёқат ва бинои синфхонаҳои иловагӣ бунёд ва ба истифода супурда шуданд. ,
Таъкид гардид, ки давлату Ҳукумати Ҷумҳурии Тоҷикистон барои рушди соҳаи маориф тадбирҳои зарурӣ роҳандозӣ намуда, маблағгузории соҳаро ҳамасола ба таври назаррас афзоиш медиҳанд. Рушди босуботи илму маориф ва ба меъёрҳои байналмилалӣ ҳамрадиф намудани низоми таҳсилот омӯзгоронро муваззаф менамояд, ки ҷиҳати самаранок гардонидани сифати таълиму тарбия кӯшиш ба харҷ диҳанд.
АКС: Раёсати маорифи вилояти Хатлон
Дар шаҳри Панҷакент бахшида ба 33-солагии Истиқлоли давлатӣ якчанд иншоот ифтитоҳ шуд
Дар ноҳияи Ховалинг бинои иловагии муассисаи таълимии №15 ифтитоҳ гардид
ИСТИҚЛОЛ ВА РУШДИ МАОРИФ. Дар ин давра шумораи муассисаҳои олӣ аз 13 ба 47 адад расонида шуд
«ИСТИҚЛОЛИЯТ ВА ЭЪМОРИ ДАВЛАТДОРИИ МИЛЛӢ». Таҳти чунин унвон дар шаҳри Кӯлоб ҳамоиш доир гардид
БА ИФТИХОРИ 33-СОЛАГИИ ИСТИҚЛОЛИ ДАВЛАТӢ. Дар ноҳияи Ҷаббор Расулов якчанд иншооти соҳаи маориф ифтитоҳ гардид
Дар Донишгоҳи технологии Тоҷикистон татбиқи лоиҳаи TAEETT-и барномаи PECA-и Ташкилоти ҳамкории байналмилалии Олмон баррасӣ шуд
«НАҚШИ ПЕШВОИ МИЛЛАТ ДАР ТАҲКИМИ ИСТИҚЛОЛИ ДАВЛАТӢ». Таҳти чунин унвон дар шаҳри Душанбе ҳамоиш доир шуд
Дар Вазорати маориф ва илми Тоҷикистон масъалаи гузариш ба таҳсилоти рақамӣ баррасӣ гардид
Ба кормандони соҳаи маориф ва илм мукофотҳои олии давлатӣ ва ҷоизаву унвонҳои фахрӣ супорида шуданд
АҲАМИЯТИ БАЛАНД БАРДОШТАНИ МАВҚЕИ ОМӮЗГОР ДАР МАМЛАКАТ. Дар ҳошияи суханронии Президенти Тоҷикистон дар Рӯзи дониш
Дар вилояти Суғд 1005 муассисаи таҳсилоти миёнаи умумӣ, олӣ, касбӣ ва касбӣ-техникӣ фаъолият менамоянд
Ба хонандагони Муассисаи таълимии рақами 8-и шаҳри Хоруғ суханронии Президенти Тоҷикистон дар Рӯзи дониш шарҳ дода шуд
