ДАЪВАТИ ТИРАМОҲӢ. 130 нафар ҷавонони Спитамен ба сафи Артиши миллӣ пайвастанд
СУҒД, 08.10.2022 /АМИТ «Ховар»/. Дар майдони Парчам ва Нишони давлатии Ҷумҳурии Тоҷикистон дар ноҳияи Спитамен маросими гусели наваскарон ба сафи Қувваҳои мусаллаҳи Ҷумҳурии Тоҷикистон баргузор шуд. 130 нафар наваскар ба Артиши миллӣ сафарбар гардида, барои иҷрои қарзи шаҳрвандии хеш камари ҳиммат бастаанд, хабар доданд ба АМИТ «Ховар» дар Хадамоти матбуоти ноҳияи Спитамен.
Раиси ноҳия Темурҷон Нӯмонзода наваскаронро ба хидмати содиқонаву софдилона ҳидоят намуда, дар бораи нақши ҷавонон дар таъмини амнияти миллӣ гуфт, ки Артиши миллӣ мактаби шуҷоат ва ҷасорат буда, ҷавононро дар рӯҳияи ватандӯстиву эҳтиром ба арзишҳои милливу оиладорӣ тарбият мекунад.
Ойгул Сотиболдиева, модари наваскаре, ки бо хоҳиши худ ба сафи Қувваҳои мусаллаҳи Ҷумҳурии Тоҷикистон пайваст, дар бораи вазифаву масъулияти ҷавонон дар ҳифзи марзу буми Ватан сухан гуфт.
Дар фарҷом ба волидони аскароне, ки ҳоло дар қисмҳои ҳарбии шаҳри Исфара хизмат доранд, Сипосномаи мақомоти иҷроияи ҳокимияти давлатии ноҳия ва роҳбарияти қисми ҳарбии Қӯшунҳои сарҳадӣ бо туҳфаҳо тақдим гардид.
Ҳамзамон ба як гурӯҳ ҷавонон, ки курсҳои ронандагиро хатм намуданд, шаҳодатномаи ронандагӣ супорида шуд.
АКС:Хадамоти матбуоти ноҳияи Спитамен
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
