ДАЪВАТИ ТИРАМОҲӢ. Дар Истаравшан ба 10 нафар наваскарони фаъол дар вазъияти тантанавӣ шаҳодатномаҳои ронандагӣ супорида шуданд
СУҒД, 04.10.2022 /АМИТ «Ховар»/. 2 октябр дар майдони «Нишони давлатӣ»-и шаҳри Истаравшан маросими сафарбаркунии наваскарони ихтиёрӣ баргузор гардид. Ба 10 нафар наваскарони пешоҳанг, ки курси махсуси ронандагии Ташкилоти ҷамъияти мададгори мудофиаи вилояти Суғдро бомуваффақият хатм намудаанд, дар вазъияти тантанавӣ шаҳодатномаҳои ронандагӣ супорида шуданд, хабар медиҳад мухбири минтақавии АМИТ «Ховар» Саъдулло МАҲКАМОВ бо истинод ба маркази матбуоти Раиси шаҳри Истаравшан.
Дар маросими сафарбаркунии наваскарони ихтиёрӣ Раиси шаҳри Истаравшан Адҳам Маъмурзода, роҳбарияти мақомоти ҳифзи ҳуқуқ, афсарону сарбозони қисмҳои низомии ҳудуди шаҳр, наваскарони ихтиёрӣ ва волидайни онҳо, раисони ҷамоатҳои деҳот, собиқадорон, фаъолон ва роҳбарони воҳидҳои сохтории шаҳр иштирок намуданд.
Раиси шаҳри Истаравшан Адҳам Маъмурзода навдаъватшудагони ихтиёриро ба муносибати шомил шудан ба сафи Қувваҳои Мусаллаҳи Ҷумҳурии Тоҷикистон шодбош гуфта, зикр намуд, ки имрӯз бо дастгирии Президенти Ҷумҳурии Тоҷикистон муҳтарам Эмомалӣ Раҳмон шароити хизмати ҳарбӣ беҳтар гардидааст.
«Мояи ифтихор аст, ки имрӯз дар шароити сулҳу субот ва оромии мамлакат ҷавонон бо пайравӣ ба падарону бобоёни шӯҳратёри худ, бо амри дил ва ҳисси ватандӯстона ихтиёран барои ба сафи Артиши миллӣ сафарбар гардидан омода мебошанд. Ба наваскароне, ки имрӯз бо хоҳиши худ ба мактаби мардонагӣ қадам гузошта истодаанд, дар адои ин рисолати пуршараф ҳушёрию зиракӣ, матонату ҷасорат ва дар ҳифзи Ватан комёбиҳо орзумандам», – иброз дошт Адҳам Маъмурзода.
Имрӯз Қувваҳои мусаллаҳи Ҷумҳурии Тоҷикистон ҳам аз лиҳози таъминоти моддию техникӣ, ҳам аз ҷиҳати қудрату тавоноӣ ва маҳорати ҳарбӣ ва интизоми ҳайати шахсӣ аз солҳои пешин афзалияти зиёду бештар дорад ва ҳоло мамлакати мо сарҳади давлатиро пурра бо қувваи худ муҳофизат менамояд.
АКС: Дафтари матбуоти Раиси шаҳри Истаравшан
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
