ДАЪВАТИ ТИРАМОҲӢ. Дар вилояти Суғд ин маъракаи муҳими сиёсӣ то имрӯз 45 фоизро ташкил додааст
ДУШАНБЕ, 19.10.2022 /АМИТ «Ховар»/. Маъракаи даъвати тирамоҳӣ ба ҳолати 18 октябр дар вилояти Суғд 45 фоизро ташкил дод. Дар ин бора зимни машварати кории Раиси вилояти Суғд Раҷаббой Аҳмадзода, ки дар он ҷараёни таъмини иҷрои нақшаи даъвати тирамоҳии ҷавонон ба сафи Қувваҳои мусаллаҳи Ҷумҳурии Тоҷикистон мавриди баррасӣ қарор гирифт, хабар дода шуд.
Тавре ба АМИТ «Ховар» дар Хадамоти матбуоти Раиси вилояти Суғд хабар доданд, дар машварати корӣ Раҷаббой Аҳмадзода зикр кард, ки ҷиҳати таъмини иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, инчунин Фармони Президенти Ҷумҳурии Тоҷикистон аз 3 сентябри соли 2022 «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1995-2004 Ҷумҳурии Тоҷикистон ба хизмати ҳарбӣ» дар вилоят маъракаи даъвати ҷавонон идома дорад.
Вобаста ба ҷараёни таъмини иҷрои нақшаи даъвати тирамоҳии соли 2022 комиссари ҳарбии вилоят Давлатшо Мирзозода гузориш дод, ки даъвати ҷавонон ба сафи Қувваҳои мусаллаҳи Ҷумҳурии Тоҷикистон дар асоси Фармони Президенти мамлакат ва қарори дахлдори Раиси вилоят ҷараён гирифта истодааст. Зикр шуд, ки хизмати ҳарбӣ қарзи шаҳрвандӣ ва инсонии ҳар ҷавонмард буда, ҷавонон бо эҳсоси ватандӯстӣ ва муҳаббат ба халқу Ватан барои хизмат омодагии худро изҳор дошта, ба комиссариатҳои ҳарбии шаҳру ноҳияҳо ҳозир шуда истодаанд.
Раиси вилоят бо таҳлили вазъ аз комиссари ҳарбии вилоят ва раисони шаҳру ноҳияҳо пурсиш ба амал оварда, барои ислоҳи камбудиҳои мавҷуда супоришҳо дод.
Дар назди масъулин ҳамзамон барои вусъат бахшидани фаъолият дар самти таъмини иҷрои нақшаи даъвати тирамоҳӣ, ҷоннок намудани фаъолияти комиссияҳои даъватии шаҳру ноҳияҳо дар ҳамкорӣ бо фаъолон, вакилони маҷлисҳои маҳаллии вакилони халқ, раисони ҷамоатҳои шаҳраку деҳот, вакилони ҷамоатҳо ва раисони маҳаллаҳо ва дар маҷмӯъ сари вақт иҷро намудани талаботи Қонуни Ҷумҳурии Тоҷикистон «Дар бораи уҳдадории ҳарбӣ ва хизмати ҳарбӣ» вазифаҳо гузошта шуданд.
АКС: Хадамоти матбуоти Раиси вилояти Суғд
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
