ФУТБОЛ. Замони баргузории бозиҳои марҳилаи дуюми Чемпионати Тоҷикистон 2022 муайян шуд

Октябрь 27, 2022 09:48

ДУШАНБЕ, 27.10.2022 /АМИТ «Ховар»/. Лигаи футболи Тоҷикистон тақвими бозиҳои се даври қисми дуюми Чемпионати Тоҷикистон-2022 миёни дастаҳои Лигаи олиро, ки 31 октябр оғоз мешавад, нашр намуд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дар қисми дуюми Чемпионати Тоҷикистон дастаҳо ба ду гурӯҳ тақсим шуданд. Имтиёзҳои дар марҳилаҳои аввал бадастоварда боқӣ мемонанд. Панҷ  дастаи  беҳтарин дар гурӯҳи «А» дар як марҳила бо ҳам бозӣ карда, барои мавқеи панҷгонаи аввали ҷадвал  миёни ҳам мубориза мебаранд. Инҳо дастаҳои  футболи  «Истиқлол»-и шаҳри Душанбе, «Хатлон»-и шаҳри Бохтар, «Равшан»-и шаҳри Кӯлоб, «Хуҷанд»-и шаҳри Хуҷанд  ва  КМВА-и шаҳри Душанбе  мебошанд.

Мавриди зикр аст, ки панҷ дастаи  боқимонда – «Истаравшан»-и шаҳри Истаравшан, «Файзканд»-и ноҳияи Восеъ, «Эсхата»-и шаҳри Хуҷанд, «Равшан»-и ноҳияи Зафаробод  ва «Регар-ТадАЗ»-и шаҳри Турсунзода миёни ҳам  сабқатро дар гурӯҳи «В» идома дода, барои боқӣ мондан дар Лигаи олӣ  миёни ҳам рақобат мекунанд. Ду дастаи дар зинаҳои поёнӣ ҷойдошта ба Лигаи якум мераванд. Дар маҷмӯъ, ҳар як даста дар Чемпионати Тоҷикистон-2022  22  бозӣ анҷом медиҳад.

Ҳангоми тартиб додани тақвими даври сеюми Чемпионати Тоҷикистон-2022 дастаҳо мувофиқи натиҷаи  худ дар ду даври Лигаи олӣ рақамҳои силсилавӣ мегиранд. Марҳилаи ҳалкунанда, яъне қисми дуюми Чемпионати Тоҷикистон-2022 бо бозиҳои даври нуздаҳум, ки  31 октябр ва 1 ноябр доир мешаванд, оғоз мегардад.

Бозиҳои ду даври охирини мусобиқоти чемпионати  Тоҷикистон пас аз вохӯриҳои дӯстонаи дастаи мунтахаби Тоҷикистон, ки даҳаи дуюми моҳи ноябр дар назар аст, баргузор мешаванд.

Чемпионати Тоҷикистон-2022

Лигаи олӣ

Даври 19. Гурӯҳи «А»

31 октябр (душанбе)

Оғоз – соати 14:30

«Хатлон» – КМВА

«Равшан» (Кӯлоб) – «Хуҷанд»

Даври 19. Гурӯҳи «В»

1 ноябр (сешанбе)

Оғоз – соати 14:30

«Файзканд» – «Регар-ТадАЗ»

«Эсхата» – «Равшан» (Зафаробод)

Даври 20. Гурӯҳи «А»

4 ноябр (ҷумъа)

Оғоз – соати 14:30

«Истиқлол» – «Хатлон»

5 ноябр (шанбе)

Оғоз – соати 14:30

КМВА – «Равшан» (Кӯлоб)

Даври 20. Гурӯҳи «В»

6 ноябр (якшанбе)

Оғоз – соати 14:30

«Регар-ТадАЗ» – «Эсхата»

«Истаравшан» – «Файзканд»

Даври 21. Гурӯҳи «А»

9 ноябр (чоршанбе)

Оғоз – соати 14:30

«Равшан» (Кӯлоб) – «Истиқлол»

«Хуҷанд» – КМВА

Даври 21. Гурӯҳи «В»

10 ноябр (панҷшанбе)

Оғоз – соати 14:30

«Эсхата» – «Истаравшан»

11 ноябр (ҷумъа)

Оғоз – соати 14:30

«Равшан» (Зафаробод) – «Регар-ТадАЗ»                                                

                                                                        АКС: Федератсияи футболи Тоҷикистон

 

Октябрь 27, 2022 09:48

Хабарҳои дигари ин бахш

Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад
Дар Душанбе бахшида ба Рӯзи байналмилалии Йога ҳамоиши варзишӣ доир гардид
Дастаи мунтахаби Тоҷикистон аз Чемпионати ҷаҳон оид ба ҷудо-2025 бо се медали таърихӣ баргашт