Имрӯз дар Минск ҷаласаи Шӯрои ҳамоҳангсозии роҳбарони мақомоти андози давлатҳои ИДМ доир мегардад

ДУШАНБЕ, 07.10.2022 /АМИТ «Ховар»/. Имрӯз, 7 октябр дар Минск ҷаласаи XXIX Шӯрои ҳамоҳангсозии роҳбарони мақомоти андози кишварҳои аъзои Иттиҳоди Давлатҳои Мустақил /ИДМ/ баргузор мегардад. Мавзӯи асосии ҷаласаи Шӯрои ҳамоҳангсозӣ- беҳтар кардани сифати хизматрасонии андозсупоранда, инчунин таҳияи хадамоти интерактивӣ  дар асоси фикру мулоҳизаҳои корбар  ва  таҳқиқоти истифодаи таҷриба дар давлатҳои иштирокчии  ИДМ мебошад. Дар  ин бора ба АМИТ «Ховар» дар хадамоти матбуоти  Кумитаи иҷроияи ИДМ иттилоъ доданд.

Яке аз самтҳои калидии фаъолияти мақомоти андози ИДМ- фароҳам овардани шароити мусоиди  низоми андоз дар шакли механизми чандир аст, ки метавонад ба таври оҷилӣ ба тағйироти дохилӣ  ва берунӣ вокуниш нишон диҳад, зуд ҷавоб ёбад ва ба баланд бардоштани сифати хизматрасониҳои андозӣ равона гардад, инчунин  барои андозсупорандагон шароити мусоид фароҳам орад.

Аъзои Шӯрои ҳамоҳангсозӣ инчунин масъалаҳои татбиқи Протоколро дар бораи табодули иттилоот дар шакли электронӣ миёни давлатҳои ИДМ оид ба татбиқи маъмурикунонии андоз аз 2 ноябри соли 2018; оид ба таҷрибаи муайян кардани сатҳи қонеъ гардонидани андозсупорандагон; оид ба рушди табодули  ҳуҷҷатҳои электронӣ дар кишварҳои ИДМ ва дигар масъалаҳо баррасӣ менамоянд.

Чорабиниро Вазорати андоз ва пардохтҳои Ҷумҳурии Беларус ҳамоҳанг менамояд.

ДАР АКС:  Ҷаласаи XXV ШҲРМА кишварҳои аъзои ИДМ, ки моҳи августи соли 2018 дар Душанбе баргузор гардид. АКС: АМИТ «Ховар»