ИМРӮЗ-РӮЗИ КИНОИ ТОҶИК. Бахшида ба ин сана дар кинотеатри «Ватан» маҳфили фарҳангӣ доир гардид
ДУШАНБЕ, 16.10.2022 /АМИТ «Ховар»/. Ҳамасола 16 октябр Рӯзи кинои тоҷик таҷлил мегардад. Имсол Муассисаи давлатии «Тоҷикфилм» бахшида ба Рӯзи кинои тоҷик бо иштироки собиқадорони соҳа, мутахассисон, киношиносону зиёиён ва ходимони давлатию сиёсӣ дар кинотеатри «Ватан» маҳфили фарҳангӣ баргузор намуд.
Дар ҳамоиш нахустнамоиши филми ҳунарии кӯтоҳи «Додараки фариштаҳо» манзури ҳаводорони кино гардид, ки он филми бадеии кӯтоҳ мебошад. Филм аз рӯи асари нависандаи тоҷик Сайф Раҳимзоди Афардӣ ва бо коргардонии Умед Мирзоширинов рӯи навор омадааст. Филм дар Фестивали байналмилалии кинои Қазон ва Фестивали байналмилалии кинои «Адабиёт ва кино»-и шаҳри Санкт-Петербурги Федератсияи Россия сазовори ҷоизаи «Беҳтарин филми ҳунарии кӯтоҳ» гардидааст.
Тавре аз «Тоҷикфилм» ба АМИТ «Ховар» иттилоъ доданд, соли равон 2 филми ҳунарӣ, 4 филми мустанад ва 1 силсилафилми «Алифбо» (қисмҳои 25-35) пурра наворбардорӣ карда мешаванд.
Бояд гуфт, ки филмҳои тоҷикӣ, аз қабили «Бачаи обӣ», «Додараки фариштаҳо», «Охирин сайди сайёд» ва «Этюд» соли равон дар озмунҳои байналмилалӣ иштирок намуда, сазовори ҷоизаҳои намоён гардидаанд.
Яке аз филмҳое, ки мавриди истиқболи хуби тамошобинони чӣ дохилӣ ва чӣ берунӣ гардидааст, «Этюд» мебошад. Он бо коргардони Муъмин Латифӣ дар Муассисаи давлатии «Тоҷикфилм» ба навор гирифта шуда, давомнокияш 16 дақиқа аст. Филм дар жанри драмаи варзишӣ ба навор омадааст. Он дар бораи писаре нақл мекунад, ки дар оилаи навозанда таваллуд шуда, ба воя расидааст. Падару модараш мехоҳанд, ки ӯ ба мусиқӣ машғул шавад, аммо писарбача ба футбол таваҷҷуҳ дорад.
Филми мазкур дар Фестивали 30-юми байналмилалии кушоди кишварҳои ИДМ ва Балтика «Киношок», Фестивали 12-уми байналмилалии филмҳои варзишии Барселона ва дар Фестивали 45-уми байналмилалии Гризлони шаҳри Слеби Олмон ба намоиш гузошта шуда, аз ҷониби иштирокдорон баҳои баланд гирифт.
Бояд таззакур дод, ки кинои тоҷик фаъолияти худро 11 сентябри соли 1929 оғоз намуда, дар тӯли 93 соли мавҷудияташ симои мардуми тоҷикро дар вазъиятҳои гуногуни таърихӣ ва иҷтимоӣ инъикос кардааст. Он ҳамчун намунаи фарҳанги миллӣ дар ташаккулу таҳкими тафаккури миллат бо паймудани марҳилаҳои гуногун саҳми арзанда гузошта, имрӯз низ ҳамин рисолатро бар дӯш дорад.
АКС: АМИТ «Ховар»
Дар Осорхонаи миллии Тоҷикистон беш аз 800 бозёфти нодири таърихӣ ба намоиш гузошта шудааст
РӮЗИ БУЗУРГДОШТИ САЪДИИ ШЕРОЗӢ. Осори безаволи шоир дар тарбияи ахлоқӣ ва маънавии ҷомеа нақши муҳим дорад
Филми ҳунарии «Моҳӣ дар шаст» дар кинофестивали 48-уми байналмилалии Москва намоиш дода шуд
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
