ҶОМИ РАИСИ ШАҲРИ ДУШАНБЕ. Барои дарёфти ин ҷоиза мусобиқаи веломарафони оммавӣ баргузор гардид

ДУШАНБЕ, 10.10.2022. /АМИТ «Ховар»/. Маросими ҷамъбасти Чемпионати кушоди шаҳри Душанбе оид ба веломарафони оммавӣ миёни наврасон, ҷавонон ва калонсолон барои дарёфти «Ҷоми Раиси шаҳри Душанбе», ки ба 31-умин солгарди Истиқлолияти давлатии Ҷумҳурии Тоҷикистон бахшида  шудааст, дар Муассисаи давлатии «Наврӯзгоҳ»-и пойтахт баргузор гардид. Дар ин бора АМИТ «Ховар» бо истинод ба шуъбаи иттилоотии дастгоҳи Раиси шаҳри Душанбе хабар медиҳад.

Баъди ба марра расидан ғолибон муайян гардида, бо Ҷом, медал, диплом ва туҳфаҳои Мақомоти иҷроияи ҳокимияти давлатии шаҳри Душанбе қадрдонӣ карда шуданд.

Дар ҷамъбасти Чемпионат муовини Раиси шаҳри Душанбе Дилбар Одилзода, Президенти Федеретсияи велосипедронӣ Озодхон Давлатшоев, сардори Раёсати кор бо ҷавонон ва варзиши шаҳри Душанбе Шоҳзод Раҳимзода, директори муассисаҳои давлатии кор бо мактабҳо ва иншооти варзишии шаҳри Душанбе Раҳматшо Камолов, инчунин  намояндагони ВАО ва ҳаводорони ин намуди бозӣ ширкат варзиданд.

АКС: Шуъбаи иттилоотии дастгоҳи Раиси шаҳри Душанбе