ОМОДАГӢ БА ЗИМИСТОН. Дар Хуҷанд ярмарка-фурӯши маҳсулоти кишоварзӣ ташкил гардид
ДУШАНБЕ, 24.10.2022 /АМИТ «Ховар»/. Бо дастгирии мақомоти иҷроияи ҳокимияти давлатии вилояти Суғд дар шаҳру ноҳияҳои вилоят ҳар ҳафта рӯзҳои истироҳатӣ ярмарка-фурӯшҳои маҳсулоти ғизоӣ баргузор мегарданд. Аз ҷумла, рўзи шанбе, 22 октябр дар шаҳри Хуҷанд ярмарка-фурӯши маҳсулоти кишоварзӣ доир шуд, ки Раиси вилояти Раҷаббой Аҳмадзода аз он дидан намуд.
Раиси вилояти Раҷаббой Аҳмадзода ба масъулин барои дар сатҳи баланд ташкил намудани ярмарка-фурӯши маҳсулоти ғизоӣ дастуру супориш дода, зикр кард, ки чиҳати захира барои зимистон ба сокинон беҳтарин маҳсулоти кишоварзӣ пешниҳод карда шавад.
Тавре ба АМИТ «Ховар» дар Хадамоти матбуоти Раиси вилояти Суғд хабар доданд, ярмарка-фурӯши маводи ғизоӣ дар асоси дастуру супоришҳои Президенти мамлакат муҳтарам Эмомалӣ Раҳмон бо мақсади таъмини аҳолӣ бо маҳсулоти нисбатан арзон ва захира намудани хўрока барои зимистон ташкил карда мешаванд.
Дар ин ярмарка-фурўшҳо аз ҷониби кишоварзони вилоят ва корхонаҳои саноатӣ маҳсулоти зарурӣ, аз ҷумла орду равған, биринҷ, пиёзу картошка, сабзӣ, картошка, макарон, меваҷот, полезиҳо, гӯшти мурғ, гӯшти гов, тухм, шакар, шириниҳо, нон ва маҳсулоти нонӣ бо нархҳои нисбат ба бозор арзонтар пешниҳоди сокинон гардонида мешавад. Сокинон имкон пайдо менамоянд, ки барои захираи зимистон маводи лозима бо нархҳои дастрас харидорӣ кунанд.
АКС: Хадамоти матбуоти Раиси вилояти Суғд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
Моҳи охири фасли тобистон дар Тоҷикистон ҳарорати ҳаво то 1 дараҷа баланд мешавад
Дар Тоҷикистон соли 2026 ҳаҷми маблағи кумакпулии унвонии иҷтимоӣ бештар гардидааст
БАРНОМАИ РУШДИ РОҲНАМОИ КАСБ. Татбиқи он имкон медиҳад, ки шумораи аҳолии бо ҷойи кор таъминшуда ҳамасола 2-2,2 фоиз афзоиш ёбад
«ЧИЛ ДУХТАРИ ТОҶИК БО ЧИЛ ГЕСӮИ ДАРОЗ». Таҳти ин унвон намоиши либосҳои миллӣ баргузор гардид
Шумораи аҳолии машғул ба фаъолияти иқтисодӣ дар Тоҷикистон беш аз 2 миллион нафарро ташкил медиҳад
