Паҳлавони маъруфи тоҷик Темур Раҳимов бо медали биринҷии «Abu Dhabi Grand Slam 2022» ба Ватан баргашт
ДУШАНБЕ, 26.10.2022 /АМИТ «Ховар»/. Имрӯз паҳлавони шинохтаи тоҷик Темур Раҳимов бо медали биринҷии Мусобиқаи «Abu Dhabi Grand Slam 2022» оид ба гӯштини дзюдо аз Амороти Муттаҳидаи Араб ба Ватан баргашт. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи дзюдои Тоҷикистон хабар медиҳад.
Темур Раҳимовро дар Фурудгоҳи байналмилалии Душанбе наздикону пайвандон, дӯстон ва намояндагони соҳаи варзиши мамлакат истиқбол гирифтанд.
Ёдовар мешавем, ки дар Мусобиқаи «Abu Dhabi Grand Slam 2022» оид ба гӯштини дзюдо дар АМА, ки аз 21 то 23 октябр бо иштироки 414 варзишгар (239 мард, 175 зан) аз 65 кишвари ҷаҳон баргузор гардид, Ҷумҳурии Тоҷикистонро 10 нафар варзишгарон намояндагӣ карданд. Танҳо ба Темур Раҳимов муяссар шуд, ки соҳиби медали фахрии мусобиқа шавад.
Хотиррасон мешавем, ки ин медали сеюми Темур Раҳимов дар мусобиқаҳои Гранд Слам дар соли 2022 мебошад. Ӯ дар Гранд Слами Телавив ва Гранд Слами Анталия низ медали биринҷӣ ба даст оварда буд. Ҳамчунин имсол дар Чемпионати ҷаҳон оид ба гӯштини дзюдо ҷои панҷум, дар Чемпионати Осиё ҷои дуюмро сазовор гардида, дар зинаи аввали рейтинги ҷаҳонӣ мавқеъ дорад.
Темур Раҳимов дар мусобиқаи «Abu Dhabi Grand Slam 2022» соҳиби 500 имтиёзи олимпӣ гардид.
Мавриди зикр аст, ки сайри ҷаҳонии гӯштини дзюдо соли 2022 бо Гранд Слами Боку (4-6 ноябр), Гранд Слами Токио (3-4 декабр) ва мусобиқаҳои ситораҳои дзюдо дар Байтулмуқаддас (20-22 декабр) ба анҷом мерасад.
АКС аз манбаъҳои боз
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
