РЕЙТИНГИ ФИФА. Тоҷикистон як зина боло рафта, аз Қазоқистон, Озарбойҷон, Туркманистон, Молдова ва кишварҳои назди Балтика пеш гузашт
ДУШАНБЕ, 07.10.2022 /АМИТ «Ховар»/. 6 октябр Федератсияи байналмилалии ассотсиатсияҳои футбол (ФИФА) феҳристи нави рейтинги дастаҳои мунтахабро нашр кард. Дар он дастаи мунтахаби Тоҷикистон бо гирифтани 1185,7 имтиёз ба мавқеи 108-ум баромад, хабар медиҳад АМИТ бо истинод ба сомонаи ФИФА.
Дар рейтинги қаблии ФИФА Тоҷикистон миёни 211 кишвари ҷаҳон дар зинаи 109-ум қарор дошт.
Дастаи мунтахаби Тоҷикистон дар рейтинги нав аз кишварҳои Қазоқистон, Озарбойҷон, Эстония, Таиланд, Латвия, Туркманистон, Молдова болотар аст.
Миёни 46 кишвари Конфедератсияи футболи Осиё (КФО) дастаи мунтахаби Тоҷикистон дар зинаи 20-ум қарор дорад.
Дастаи мунтахаби Бразилия дар садри раддабандии ФИФА қарор дорад. Ҷойи дуюмро Белгия, сеюмро Аргентина ишғол мекунанд.
Дар даҳгонаи беҳтарин танҳо як тағйирот ба амал омад: Италия аз Испания пеш гузашт ва ба зинаи шашум баромад.
Миёни кишварҳои АФК ҷои аввалро дастаи Эрон ишғол мекунад, ба сегонаи беҳтарин Ҷопон ва Кореяи Ҷанубӣ низ шомиланд.
Нишондиҳандаи беҳтарини Тоҷикистон дар рейтинги ҷаҳонӣ моҳи июли соли 2013 буд: дастаи мунтахаби кишвар дар он мақоми 106-умро касб кард. Имсол дастаи мунтахаби Тоҷикистон тавонист аз рӯи 40 банд боло равад. Аз рӯи натиҷаҳои раддабандии моҳона дастаи кишвар натиҷаи пасттаринро соли 2003 (ҷои 180-ум) нишон дода буд. Пасттарин нишондиҳандаи солона ба ҳисоби миёна соли 2002 (миёни 207 дастаи ҷои 168-ум) ба қайд гирифта шудааст.
АКС: Федератсияи футболи Тоҷикистон
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
