«BAKU GRAND SLAM 2022». Ғолибони ин мусобиқа аз ҷониби Раиси шаҳри Душанбе Рустами Эмомалӣ қадрдонӣ шуданд
ДУШАНБЕ, 11.11.2022./АМИТ «Ховар»/. Имрӯз Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ узви яккачини дастаи мунтахаби Ҷумҳурии Тоҷикистон, дастпарвари Муассисаи давлатии «Мактаби ҷумҳуриявии маҳорати олии варзишӣ оид ба намудҳои гӯштин», ғолиби мусобиқаи Тоскулоҳи бузурги Боку 2022 «Baku Grand Slam 2022» Темур Раҳимов ва дастпарвари «Мактаби махсуси варзишии захираҳои олимпии 6 оид ба намудҳои гӯштин»-и шаҳри Душанбе, ҷоизадори медали нуқраи мусобиқаи мазкур Муллораҷаб Халифаевро ба ҳузур пазируфтанд. Дар ин бора ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.
Раиси шаҳри Душанбе варзишгаронро барои ноил гардидан ба медалҳои тилло ва нуқра дар мусобиқаи Тоскулоҳи бузурги Боку 2022 ва парафшон кардани Парчами давлатии Тоҷикистон таҳният гуфтанд.
Ҳамчун нишони қадрдонии Пешвои миллат, Президенти Ҷумҳурии Тоҷикистон Раиси шаҳри Душанбе ба Темур Раҳимов калиди хонаи 2-ҳуҷрагӣ бо тамоми шароити рӯзгор дар пойтахт ва ба Муллораҷаб Халифаев 100 000 сомонӣ тақдим намуданд.
Хотиррасон менамоем, ки аз 4 то 6 ноябр дар шаҳри Бокуи Озарбойҷон мусобиқаи Тоскулоҳи бузурги Боку 2022 «Baku Grand Slam 2022» оид ба гӯштини дзюдо баргузор гардид, ки дар он варзишгарони зиёда аз 60 давлати ҷаҳон иштирок намуданд. Дар ин мусобиқаи бонуфузи сатҳи олӣ варзишгарони тоҷик Темур Раҳимов медали тилло ва Муллораҷаб Халифаев медали нуқраро соҳиб гардиданд.
Раиси шаҳри Душанбе ба варзишгарон барои омодагӣ дидан ба мусобиқаҳои оянда дастурҳо дода, ба онҳо барору музаффарият таманно карданд ва иброз намуданд, ки ҷавонони бо нангу номус муарриф ва номбардори ватани хеш маҳсуб шуда, ҳамеша зери таваҷҷуҳ ва ғамхориҳои пайвастаи Пешвои муаззами миллат қарор доранд.
АКС: Шуъбаи иттилоотии дастгоҳи Раиси шаҳри Душанбе
Дурнамои ҳамкории шаҳри Душанбе ва иёлоти Ютаи Амрико баррасӣ шуд
Дар Душанбе даври шаҳрии Фестивал-озмуни ҳунармандону косибон таҳти унвони «Беҳтарин усто ва шогирд» баргузор шуд
Байни шаҳрҳои Душанбе ва Антверпен робитаҳои фарогир таҳким меёбанд
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
