Чин дар шаш моҳи охир бори аввал дар як шабонарӯз беш аз 20 ҳазор ҳолати нави COVID-19-ро сабт намуд
ДУШАНБЕ, 17.11.2022 /АМИТ «Ховар»/. Мақомоти Чин бори аввал дар ним соли охир шабонарӯзи гузашта беш аз 20 ҳазор ҳолати нави сирояти коронавирусро сабт карданд. Тавре АМИТ «Ховар» бо истинод ба ТАСС иттилоъ медиҳад, дар ин бора рӯзи чаҳоршанбе, 16 ноябр Кумитаи давлатӣ оид ба масоили гигиена ва тандурустии Ҷумҳурии Мардумии Чин хабар додааст.
Ҳамин тавр, аз маълумоти расмӣ бармеояд, ки давоми як ҳафта сатҳи беморӣ дар кишвар қариб 2,5 маротиба афзоиш ёфтааст. Дар маҷмӯъ дар муассисаҳои тиббии Чин дар айни замон 136 844 сироятёфтагон (бо шумули беморони беаломат) ҳастанд, ки нисбат ба як моҳи пеш шаш маротиба зиёд аст.
Аксари онҳое, ки моҳҳои охир дар Чин сироят шудаанд, аломати беморӣ надоранд. Онҳо тақрибан 88% ҳамаи беморони гирифтори ковидро ташкил медиҳанд, ки дар кишвар таҳти назорати пизишкон қарор доранд. Дар аввали моҳи январ ин нишондиҳанда ҳамагӣ 15% буд.
Миёни минтақаҳои Чин вазъияти мушкилтарини эпидемӣ дар музофоти ҷанубии Гуандун ба қайд гирифта шудааст, ки тақрибан 27% сироятёфтагон дар он ҷойгиранд. Пас аз он музофоти марказии Хэнан ва вилояти мухтори Муғулистони Дохилӣ (шимол) қарор доранд. Паҳншавии вирус дар саросари манотиқи кишвар идома дорад.
Ҳукумати Чин сиёсати «таҳаммули сифрӣ»-ро нисбат ба COVID-19 идома медиҳад. Бо вуҷуди ин, ба стратегияи давлатии муқовимат ба коронавирус имсол тағйироти ҷиддӣ ворид ва он чандиртар шудааст. Пеш аз ҳама, ин ба карантин ва канорагирӣ таъсир расонидааст — ҳоло талабот нисбат ба як соли қабл нармтар аст. Дар Чин беш аз 9,4 ҳазор маҳаллаҳои истиқоматӣ мавҷуданд ва хатари сироятёбӣ хеле зиёд ва нисбат ба аввали моҳи ноябр ду маротиба бештар мебошад.
АКС: тасвир: storage.myseldon.com
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
