Дар ДДҲБСТ ғолибони озмуни «Беҳтарин донандаи Конститутсия» қадрдонӣ гардиданд
ДУШАНБЕ, 05.11.2022 /АМИТ «Ховар»/. Ба шарафи Рӯзи Конститутсияи Ҷумҳурии Тоҷикистон ғолибони озмунҳои «Беҳтарин донандаи Конститутсия» ва иншои беҳтарин дар мавзӯи «Конститутсия – бахтномаи миллат» бо «Диплом»-у «Сипоснома» ва туҳфаҳои хотиравии раёсати Донишгоҳи давлатии ҳуқуқ, бизнес ва сиёсати Тоҷикистон (ДДҲБСТ) қадршиносӣ карда шуданд. Дар ин бора АМИТ «Ховар» бо истинод ба ДДҲБСТ хабар медиҳад.
4 ноябр дар Донишгоҳи мазкур бахшида ба Рӯзи Конститутсия Конференсияи илмӣ таҳти унвони «Конститутсия – санади тақдирсози миллат» баргузор гардид.
«Таҷлили бистуҳаштумин солгарди Конститутсия, ки шоҳсутун ва бахтномаи давлати Тоҷикистон ва давлатдории миллии тоҷикон маҳсуб меёбад, барои ҳар як шаҳрванди кишвар рӯйдоди воқеан таърихӣ ва тақдирсоз мебошад», -иброз дошт Ректори донишгоҳ Муъмин Шарифзода.
Тазаккур дода шуд, ки мардуми тоҷик бо майлу иродаи худ бо роҳи раъйпурсии умумихалқӣ 28 сол муқаддам аввалин маротиба имконияти таърихӣ ва ҳуқуқии қабули бевоситаи санади волои миллии худро амалӣ сохта, ба шарофати он пойдевори давлати демократӣ, ҳуқуқбунёд ва дунявии тоҷиконро таҳким бахшид ва имрӯз мардуми Тоҷикистон таҳти сарварии Пешвои миллат муҳтарам Эмомалӣ Раҳмон шохаҳои ин давлатро рӯз ба рӯз мустаҳкам менамояд.
Дар идома, як зумра коршиносону ҳуқуқшиносон ва устодони донишгоҳ — декани факултети ҳуқуқшиносӣ Шероз Тоҷибоев дар мавзӯи «Иҷлосияи XVI Шӯрои Олии Ҷумҳурии Тоҷикистон-поягузори қабули Конститутсияи Тоҷикистони соҳибистиқлол», дотсенти кафедраи ҳуқуқи конститутсионии ДДҲБСТ Зарина Раҳматова таҳти унвони «Конститутсияи Ҷумҳурии Тоҷикистон-заминаи рушди давлатдории миллӣ” ва донишҷӯи соли сеюми риштаи ҳуқуқшиносӣ Самандар Нормуродов дар мавзӯи «Конститутсияи Ҷумҳурии Тоҷикистон-санади кафолатдиҳандаи ҳуқуқу озодиҳои инсон ва шаҳрванд» маърӯза намуданд.
Иброз гардид, ки Конститутсия, ки меъёрҳои он аз принсипи инсондӯстӣ маншаъ мегиранд, ҳамчун ҳуҷҷати сарнавиштсози сиёсиву ҳуқуқӣ эътироф гардида, дар он арзишҳои муҳими ҳаётӣ, изҳори ирода ва марому мақсади кулли сокинони мамлакат ба таври возеҳ инъикос гардидаанд.
Акс: ДДҲБСТ
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
ЭМОМАЛӢ РАҲМОН – ПЕШВОИ ВАҲДАТОФАР! Ба қадри неъмати бебаҳо – Ваҳдати миллӣ бирасем
Дар Донишгоҳи байналмилалии сайёҳӣ ва соҳибкории Тоҷикистон неругоҳи офтобӣ бо иқтидори 150 кВт ба истифода дода шуд
Дар Донишгоҳи давлатии Кӯлоб оид ба нақши Ваҳдати миллӣ дар ташаккули ҷомеаи шаҳрвандӣ ҳамоиш баргузор шуд
Дар Донишгоҳи миллии Тоҷикистон маҷаллаи нави илмии байналмилалӣ «Дипломатияи тоҷик» таъсис ёфт
Ҷаласаи даҳуми вазирони маорифи давлатҳои аъзои Созмони ҳамкории Шанхай доир гардид
