Дар Душанбе Мактаби химикҳои давлатҳои узви ИДМ баргузор мешавад
ДУШАНБЕ, 23.11.2022 /АМИТ «Ховар»/. Аз 22 то 29 ноябр дар Душанбе Мактаби химикҳои давлатҳои узви ИДМ баргузор мешавад, ки дар он беш аз 40 нафар олимону муҳаққиқони ҷавони соҳаи химияи органикӣ аз Тоҷикистон, Озарбойҷон, Беларус, Қазоқистон, Россия, Узбекистон иштирок мекунанд, хабар медиҳад АМИТ «Ховар».
Иштирокдорони мактаб усулҳои нави синтез ва равишҳои консептуалии вобаста ба хосиятҳои физикию химиявӣ ва татбиқи амалии пайвастагиҳои органикиро муҳокима мекунанд. Ба барномаи мактаб лексияҳои химикҳои пешқадам, маърӯзаю рӯнамоӣ ва суҳбатҳои «мизи мудаввар» шомиланд.
Иштирокдорони мактаб метавонанд натиҷаҳои лоиҳаҳои илмии худро муаррифӣ намуда, бо комёбиҳои навтарини соҳаи химия шинос шаванд, инчунин аз барномаҳои таълимии Институти химияи ба номи В.И. Никитини Академияи миллии илмҳои Тоҷикистон огоҳ гарданд.
Мактаб барои ташкили фазои ягонаи илмӣ ва таълимӣ пешбинӣ шуда, бояд муҳаққиқони давлатҳои ИДМ-ро ки дар соҳаи химияи органикӣ кор мекунанд, муттаҳид кунад.
Ташкилкунандаи барномаи омӯзишӣ Академияи миллии илмҳои Тоҷикистон бо дастгирии Фонди байнидавлатии ҳамкории башардӯстонаи давлатҳои узви ИДМ мебошад.
Ёдовар мешавем, ки бо Фармони Президенти Ҷумҳурии Тоҷикистон Эмомалӣ Раҳмон аз 31 январи соли 2020 солҳои 2020-2040 дар Тоҷикистон «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» эълон шудаанд.
ДАР АКС: Институти химияи Академияи миллии илмҳои Тоҷикистон. Акси АМИТ «Ховар»
Соли 2022 дар Тоҷикистон 199 мактаб ва бинову синфхонаҳои иловагӣ бунёд гардиданд
Дар назди Донишгоҳи технологии Тоҷикистон Коллеҷи лифт таъсис меёбад
Дар Донишгоҳи миллии Тоҷикистон бахшида ба озмунҳои ҷумҳуриявӣ ҳамоиши илмӣ баргузор шуд
Дар Донишгоҳи давлатии Кӯлоб вобаста ба баргузор намудани чор озмуни ҷумҳуриявӣ ҳамоиш доир карда шуд
Дар Хатлон дар доираи амалишавии Барномаи давлатии рушди муассисаҳои соҳаи маориф 350 муассисаи таълимӣ сохта мешаванд
Дар Донишгоҳи (славянии) Русияву Тоҷикистон мутахассисони дорусоз-гиёҳшинос омода карда мешаванд
Дар Донишгоҳи технологии Тоҷикистон ду ихтисоси нав- «зеҳни сунъӣ» ва «баҳисобгирии бухгалтерӣ, таҳлил ва аудит дар саноат» ҷорӣ карда шуд
«ИЛМ-ФУРӮҒИ МАЪРИФАТ». Соли сеюм аст, ки озмуни мазкур бо мақсади дарёфти истеъдодҳои нав дар асоси амри Президенти Ҷумҳурии Тоҷикистон доир карда мешавад
Соли 2022 дар ҷумҳурӣ 5 муассисаи таҳсилоти миёнаи умумии муштараки Тоҷикистону Русия ба истифода дода шуд
НИШАСТИ МАТБУОТӢ. Соли 2022 иштироки хонандагон дар олимпиадаҳои ҷумҳуриявию байналмилалӣ 50 фоиз афзуд
«ПАЙРАВОНИ ПЕШВОИ МИЛЛАТЕМ». Дар Душанбе ҳамоиши гирандагони стипендияи президентӣ доир карда шуд
Донишгоҳи давлатии тиҷорати Тоҷикистон ба даҳгонаи беҳтарин муассисаҳои олии Тоҷикистон шомил гардид
