Дар Истаравшан ғолибони озмунҳо ва мусобиқаҳои ҷумҳуриявию байналмилалӣ қадрдонӣ шуданд

Ноябрь 13, 2022 09:09

ИСТАРАВШАН, 13.11.2022 /АМИТ «Ховар»/. Раиси шаҳри Истаравшан Адҳам Маъмурзода 11 ноябр ҷоизадорони Чемпионати ҷаҳон ва Тоҷикистон, ғолибони озмунҳои ҷумҳуриявии «Тоҷикистон- Ватани азизи ман», «Ҳунарманди беҳтарин» ва олимпиадаи байналмилалии «Дониш» дар шаҳри Анталияро ба ҳузур пазируфт, хабар доданд ба АМИТ «Ховар» дар Дафтари матбуоти Раиси шаҳри Истаравшан.

Тавре қаблан иттилоъ дода шуд, 9 нафар хонандагони муассисаҳои таълимии шаҳри Истаравшан, ки дар Маркази забономӯзии «Ҷаҳонро биомӯз» таҳсил мекунанд, дар даври ниҳоии Олимпиадаи байналмилалии «Дониш» дар шаҳри Анталия ширкат варзида, 1 нафар ҷои якум, 5 нафар ҷои 3 ва 4 нафар ҷойҳои ифтихориро ишғол намуданд.

Ҳамзамон дар шаҳри Қазони Федератсияи Россия Чемпионати ҷаҳон оид ба гӯштини камарбандӣ ва дар шаҳри Душанбе Чемпионати Ҷумҳурии Тоҷикистон оид ба кикбоксинг WAKO миёни бонувон баргузор гардид, ки дар ин мусобиқаҳои бонуфуз варзишгарони шаҳри Истаравшан бо маҳорату истеъдоди фавқулодаи худ қувваозмоӣ намуданд. Дар натиҷа, варзишгарон Алпомиш Ҳамроқулов ва Шаҳром Баҳодурзода сазовори ҷойи якум ва соҳиби медали тилло дар вазни 50 ва 77 кг дар чемпиони ҷаҳон гардида, Ороста Турсунова бо роҳбарии устодаш Эркин Казаков сазовори унвони Чемпиони Тоҷикистон оид ба кикбоксинг — WAKO дар вазни 48 кг гардид.

Дар озмуни ҷумҳуриявии «Ҳунарманди беҳтарин» аз шаҳри Истаравшан ҳунарманд-кордсоз Иброҳим Мирзозода дар номинаи «Коркарди металл» сазовори дипломи дараҷаи якум ва ҷоизаи «Ҳунарманди сол — 2022» гардид.

Дар даври ниҳоии Озмуни ҷумҳуриявии «Тоҷикистон-Ватани азизи ман» роҳбари мусиқии ансамбли шашмақомсароёни шаҳр Азимҷон Аҳроров дар жанри анъанавии «Номинаи сарояндагӣ» миёни ҷавонони аз 18 то 40-сола сазовори ҷойи аввал, диплом ва ҷоизаи озмун ба маблағи 35 000 ҳазор сомонӣ шуд.

Зимни суҳбат Раиси шаҳри Истаравшан ғолибони мусобиқаву олимпиадаи байналмилалӣ ва чемпионати Тоҷикистонро бо дастовардҳои навбатӣ табрик гуфт, иброз дошт, ки мебояд кӯшиш ба харҷ дод, то байни ҷавонону наврасон дастовардҳои парчамбардорони тоҷик муаррифӣ ва сафи чунин варзишгарони асилу ҷавонони боистеъдоду эҷодкор зиёд гардад.

Дар фарҷом аз ҷониби Раиси шаҳри Истаравшан ҷоизадорони чемпионати ҷаҳон ва Тоҷикистон, ғолибони озмунҳои ҷумҳуриявии «Тоҷикистон-Ватани азизи ман», «Ҳунарманди беҳтарин» ва олимпиадаи байналмиллали «Дониш» дар шаҳри Анталия бо туҳфаҳои хотиравӣ қадрдонӣ карда шуданд.

АКС: Дафтари матбуоти Раиси шаҳри Истаравшан

 

Ноябрь 13, 2022 09:09

Хабарҳои дигари ин бахш

Дар Хоруғ Варзишгоҳи марказӣ аз нав таъмир гардид
ФУТБОЛ. Дарко Илиески ва Павел Назаренко ба ҳайати бозигарони дастаи «Истиқлол»-и шаҳри Душанбе пайвастанд
ҶОМИ «INNOPROM — 2024». Дастаи «Равшан»-и Кӯлоб аз ин мусобиқот бо медали биринҷӣ ба Ватан баргашт
Темур Раҳимов маротибаи дуюм парчамбардори дастаи мунтахаби олимпии Тоҷикистон дар Бозиҳои олимпӣ мешавад
БОЗИҲОИ ОЛИМПИИ ПАРИЖ-2024. Рустами Эмомалӣ бо ҳайати дастаи мунтахаби Тоҷикистон мулоқот намуданд
ЧЕМПИОНАТИ CAFA-2024. Имрӯз дастаҳои мунтахаби ҷавонони Тоҷикистон ва Узбекистон барои ҷойи сеюм байни ҳам бозӣ мекунад
ФУТБОЛ. Никола Стошич ба дастаи «Истиқлол»-и шаҳри Душанбе баргашт
Лигаи футболи Тоҷикистон беҳтаринҳои моҳи июнро дар мусобиқаи ҳайатҳои ҷавонон маълум намуд
Футзалбозони тоҷик бо дастаҳои мунтахаби Испания ва Нидерланд бозиҳои дӯстона анҷом медиҳанд
ҶОМИ ОСИЁ. Паҳлавонони тоҷик дар ин мусобиқот ба медалҳои тилло сарфароз гардиданд
ЧЕМПИОНАТИ CAFA-2024. Дастаи мунтахаби ҷавонони Тоҷикистон бар Афғонистон ғолиб омад
Лигаи Олӣ ва Лигаи якуми Тоҷикистон беҳтарин бозингар ва беҳтарин мураббии моҳи июнро муайян намуданд