Дар Олимпиадаи 14-уми байналмилалии «Дониш» хонандагони мактабҳои вилояти Суғд соҳиби 50 ҷойи ифтихорӣ шуданд
ДУШАНБЕ, 09.11.2022 /АМИТ «Ховар»/. Дар Олимпиадаи 14-уми байналмилалии «Дониш», ки дар шаҳри Анталияи Туркия доир шуд, 99 нафар хонандагон аз муассисаҳои таълимии шаҳру ноҳияҳои Исфара, Хуҷанд, Истаравшан, Б.Ғафуров, Ҷ.Расулов, Спитамен ва МТД «Мактаби Президентӣ барои хонандагони болаёқат» дар шаҳри Бӯстони вилояти Суғд иштирок намуда, ба гирифтани 50 ҷойи ифтихорӣ, аз ҷумла 15 ҷойи якум, 16 ҷойи дуюм ва 19 ҷойи сеюм ноил гардиданд. Дар ин бора ба АМИТ «Ховар» дар Хадамоти матбуоти Раиси вилояти Суғд хабар доданд.
Аз рӯйи ҷамъбасти фанҳои таълимӣ дастаи вилояти Суғд аз фанҳои физика, химия, биология, география ғолиб дониста шуда, бо 4 адад Ҷоми дараҷаи якум сарфароз гардонида шуд.
Рӯзҳои баргузории олимпиада мусобиқа оид ба футбол миёни хонандагон (мувофиқи синну сол) гузаронида шуд. Дар мусобиқа миёни хонандагони 15-16-сола дастаи вилоят ба гирифтани ҷойи якум сазовор гардида, бо Ҷоми дараҷаи якум мукофотонида шуд.
Ҳамзамон хонандагон дар барномаҳои фарҳангӣ фаъолона иштирок намуда, бо диплом, сертификат ва туҳфаҳои хотиравӣ қадрдонӣ карда шуданд.
Ёдовар мешавем, ки олимпиадаи мазкур аз 31 октябр то 6 ноябри соли равон дар шаҳри Анталияи Туркия аз фанҳои математика, физика, химия, биология, география, забони англисӣ, забони русӣ, таърихи ҷаҳон, ҳифзи муҳити атроф, рассомӣ ва сайёҳӣ баргузор гардид. Дар он зиёда аз 1200 нафар хонандагон аз муассисаҳои таълимии ҷумҳуриҳои Тоҷикистон, Узбекистон, Қазоқистон ва Қирғизистон иштирок намуданд.
АКС: Хадамоти матбуоти Раиси вилояти Суғд
Дар муассисаҳои таҳсилоти олии Ҷумҳурии Тоҷикистон 16 забони хориҷӣ омӯзонида мешавад
БИСТСОЛАИ ОМӮЗИШ ВА РУШДИ ФАНҲОИ ТАБИАТШИНОСӢ, ДАҚИҚ ВА РИЁЗӢ. Бо маблағи беш аз 5 миллион сомонӣ таҷҳизоти лабораторӣ харида шуд
Дар Академияи идоракунии давлатӣ таҳти унвони «Эмомалӣ Раҳмон — ҳомии сулҳ ва дӯстӣ» ҳамоиш баргузор гардид
1 январ хонандагони муассисаҳои таҳсилоти миёнаи умумии Тоҷикистон ба таътили зимистона мебароянд
Дар ноҳияи Шоҳмансур 34 омӯзгор ва 697 хонандаи фаъол қадрдонӣ гардиданд
Таҳти унвони «Бобоҷон Ғафуров – бузургтарин муҳаққиқ ва муаррифи таърихи халқи тоҷик» конференсия баргузор шуд
Дар Донишгоҳи байналмилалии забонҳои хориҷии Тоҷикистон омӯзиши забони ҳиндӣ баррасӣ гардид
Корманди Донишгоҳи давлатии омӯзгории Тоҷикистон соҳиби ҷоизаи «Мутахассиси муносибатҳои байналмилалии сол –2025» гардид
Ғолибони «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» муайян гардиданд
Дар Донишгоҳи техникии Тоҷикистон оид ба шарҳи Паёми Президенти Тоҷикистон ба Маҷлиси Олӣ ҳамоиш доир шуд
Дар Донишгоҳи давлатии Бохтар татбиқи технологияҳои муосири рақамӣ ва алгоритмҳои зеҳни сунъӣ баррасӣ гардид
Қабули Қонуни Ҷумҳурии Тоҷикистон «Дар бораи мақоми омӯзгор» рамзи эҳтиром ба заҳмати омӯзгор аст
