Дар Тоҷикистон то соли 2024 аз кӯҳистон ба водиҳо 410 оила кӯчонида мешаванд
ДУШАНБЕ, 19.11.2022 /АМИТ «Ховар»/. Соли равон 135 оила аз ноҳияҳои камзамин ва сераҳолии кӯҳистон ба ноҳияи Хуросони вилояти Хатлон кӯчонида мешаванд, аз ҷумла аз ин теъдод аз шаҳри Бохтар 5 оила, ноҳияҳои Дарвоз 5, Ишкошим 10, Левакант 5, Кӯшониён 15, Восеъ 20, Темурмалик 10, Муъминобод 15, Кўҳистони Мастчоҳ 15 ва Тоҷикобод 5 оиларо ташкил медиҳад. Тибқи Қарори Ҳукумати Ҷумҳурии Тоҷикистон аз 3 декабри соли 2021 то соли 2024 410 оила аз ноҳияҳои камзамин ба водиҳои дорои заминҳои бекорхобидаи ҷумҳурӣ кӯчонида мешаванд, иттилоъ доданд ба АМИТ «Ховар» дар Вазорати меҳнат, муҳоҷират ва шуғли аҳолии мамлакат.
Тибқи иттилои манбаъ, 18 ноябри соли равон гурӯҳи кории Вазорати меҳнат, муҳоҷират ва шуғли аҳолии Ҷумҳурии Тоҷикистон таҳти роҳбарии муовини вазир Шаҳноза Нодирӣ ва сардори Хадамоти муҳоҷират Тоҳир Каримзода аз вазъи муҳоҷирати дохилӣ дар ноҳияҳои Хуросон ва Носири Хусрави вилояти Хатлон дидан карданд.
Гурўҳи кории мазкур бо масъулини мақомоти дахлдор масъалаи сари вақт кўчонидани оилаҳо ба маконҳои зикршуда, рафъӣ камбудиҳои дар ин самт ҷойдошта суҳбат намуда, доир ба иҷрои қарори дахлдори Ҳукумати Ҷумҳурии Тоҷикистон дар ин самт мубодилаи афкор намуданд.
Бояд гуфт, ки тибқи Қарори Ҳукумати Ҷумҳурии Тоҷикистон аз 3 декабри соли 2021 «Дар бораи тартиби амалӣ намудани муҳоҷирати дохилии аҳолӣ аз ноҳияҳои камзамин ва сераҳолии кӯҳистон ба водиҳои дорои заминҳои бекорхобидаи ҷумҳурӣ дар солҳои 2022-2024» дар маҷмуъ 410 оила бояд кӯчонида шаванд.
Дар ин самт аз ҷониби сохторҳои Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар ноҳияҳои номбурда корҳо идома доранд.
АКС: Вазорати меҳнат, муҳоҷират ва шуғлии аҳолии ҶТ
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
