Сардори Саридораи геологияи Тоҷикистон дар ҷаласаи Комиссия оид ба масъалаҳои иқтисодии назди Шӯрои иқтисодии ИДМ иштирок намуд

Ноябрь 17, 2022 16:58

ДУШАНБЕ, 17.11.2022 /АМИТ «Ховар»/. 16 ноябр дар шаҳри Москва ҷаласаи навбатии Комиссия оид ба масъалаҳои иқтисодии назди Шӯрои иқтисодии Иттиҳоди давлатҳои мустақил /ИДМ/ баргузор гардид, ки дар он Раиси Шӯрои байниҳукуматии ИДМ оид ба иктишоф, истифода ва ҳифзи қаъри замин, Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода иштирок намуд. Дар ин бора ба АМИТ «Ховар» сардори маркази матбуоти Саридораи геология Мавҷуда Анварӣ иттилоъ дод.

Дар ҷаласаи мазкур намояндагони мақомоти соҳавии кишварҳои ИДМ, вазорату идораҳои салоҳиятдори давлатҳои аъзои ИДМ, ба монанди ҷумҳуриҳои Тоҷикистон, Арманистон, Беларус, Қазоқистон, Қирғизистон, Озарбойҷон, Молдова, Туркманистон, Узбекистон, Федератсияи Россия ва шахсони масъули Кумитаи иҷроияи ИДМ иштирок карданд.

Аъзои Комиссия якчанд масъалаҳои мубрами иқтисодӣ ва марбут ба таҳкими ҳамкории иқтисодӣ дар фазои ИДМ-ро баррасӣ намуда, қарорҳои дахлдор қабул намуданд.

Сардори Саридораи геология Илҳомҷон Оймуҳаммадзода доир ба «Нақшаи дурнамои ҳамкорӣ оид ба иктишоф, истифода ва ҳифзи қаъри замини давлатҳои узви Иттиҳоди давлатҳои мустақил дар солҳои 2021-2025» гузориш дод.Доир ба масъалаҳои дигари рӯзномаи ҷаласа низ мубодилаи афкор сурат гирифт. Ҷаласаи ояндаи Комиссия оид ба масъалаҳои иқтисодии назди Шӯрои иқтисодии Иттиҳоди давлатҳои мустақил /ИДМ/ 14 декабри соли 2022 бюаргузор мешавад.

Ёдовар мешавем, ки ҷаласаи 25-уми Шўрои байниҳукуматии ИДМ оид ба иктишоф, истифода ва ҳифзи қаъри замин 22-23 сентябри соли 2022 дар шаҳри Душанбе баргузор гардида буд. Тибқи қарори ин ҷаласа, раёсат дар соли 2022 ба таври расмӣ ба Тоҷикистон вогузор шуд.

АКС: Саридораи геология

Ноябрь 17, 2022 16:58

Хабарҳои дигари ин бахш

Соли 2025 Душанбе мизбони Форуми VIII коршиносони Осиёи Марказӣ мегардад
Имконияти сайёҳии Тоҷикистон дар Олмон муаррифӣ гардид
Байни вазоратҳои корҳои хориҷии Тоҷикистон ва Ангола Барномаи ҳамкорӣ ба имзо расид
Давлатшоҳ Гулмаҳмадзода бо Рияз Минзарипов вохӯрӣ намуд
Сарвазири Тоҷикистон Қоҳир Расулзода бо Ноиби Президенти Ангола Сперанса Мария Эдуарду Франсишку да Кошта мулоқот намуд
Сарвазири Тоҷикистон Қоҳир Расулзода бо сафирони кишварҳои узви Созмони Милали Муттаҳид мулоқот анҷом дод
Сафири Тоҷикистон нусхаи эътимодномаро ба Мудири кулли идораи ташрифоти давлатии вазорати корҳои хориҷии Покистон супорид
Сироҷиддин Муҳриддин бо Дабири кулли Созмони ҳамкории Шанхай Ҷан Мин мулоқот намуд
Дар Риёз омодагӣ ба ҷаласаи Комиссияи муштараки байниҳукуматии Тоҷикистон ва Арабистони Саудӣ баррасӣ гардид
Деннис Фрэнсис: «Мо имрӯз бе об наметавонем дар бораи рушд ҳарфе бигӯем»
Армида Салсия Алишаҳбана: «Умедворам, ки баъди конфронси об ҳамкорӣ байни кишварҳо боз ҳам устувортар мегардад»
Созмони Милали Муттаҳид ба нақши Президенти Ҷумҳурии Тоҷикистон дар пешбурди рӯзномаи глобалӣ оид ба масъалаҳои об баҳои баланд медиҳад