Филми «Дов» барои ба даст овардани «Медали Юнеско-Ганди» рақобат мекунад

Ноябрь 24, 2022 11:04

ДУШАНБЕ, 24.11.2022 /АМИТ «Ховар»/. Филми «Дов» барои ба даст овардани «Медали Юнеско – Ганди» дар Фестивали 53-юми байналмилалии кинои Ҳиндустон бо давлатҳои Бангладеш, Булғористон, Ҳиндустон, Эрон, Бразилия ва Канада рақобат мекунад, иттилоъ дод ба АМИТ «Ховар» коргардони ин филм Муҳиддини Музаффар.

Тавре қаблан АМИТ «Ховар» иттилоъ дода буд, Фестивали 53-юми байналмилалии кинои Ҳиндустон аз 20 то 28 ноябр дар Гоа- яке аз 29 иёлати Ҳиндустон баргузор мегардад. Фестивали мазкур яке аз калонтарин дар Осиё мебошад, ки дар он 187 филм аз 89 кишвари ҷаҳон намоиш дода мешаванд. Аз ин филмҳо 26-тоаш барои дарёфти ҷоизаи Оскар пешбарӣ хоҳанд шуд.

Фестивали 53-юми байналмилалии кинои Ҳиндустон шурӯъ аз соли 1952 баргузор мегардад. Он аз соли 2004 инҷониб дар шаҳри Панажи- пойтахти Гоа баргузор мешавад. Макони баргузории филмҳо маркази фарҳангии Кала Академия мебошад. Барномаи Фестивали байналмилалии филмҳои Ҳиндустон дар ҳафт толори кинотеатри пойтахти Гоа баргузор мешавад.


Ҳунарманди кино Абдумумин Шарифӣ, ки дар филми мазкур нақши Қаҳҳорро иҷро намудааст, дар суҳбат бо хабарнигори АМИТ «Ховар» иброз дошт, ки филм дар киностудияи «Суғдсинамо» дар ҳаҷми 1 соату 50 дақиқа ба навор гирифта шудааст.

«Муҳтавои филм дар бораи ду рафиқе қисса мекунад, ки барои таъмини зиндагӣ тарки касб карда, роҳи дигари даромадро ҷӯё мешаванд. Инчунин қаҳрамонони филм барои расидан ба орзуҳо ва наҷоти фарзанд аз беморӣ аз ҳам ҷудо мешаванд…»,- гуфт Абдумумин Шарифӣ.

АКС аз манбаъҳои боз

Ноябрь 24, 2022 11:04

Хабарҳои дигари ин бахш

Дар ноҳияи Данғара вохӯрии масъулин бо сокинон бо усули «Маҳал ба маҳал» ва «Деҳа ба деҳа» баргузор гардид
Имрӯз дар баъзе аз минтақаҳои Тоҷикистон хавфи омадани сел боқӣ мемонад
ҲАР КАС БА ЗАБОНИ ХУД СУХАНДОН ГАРДАД. Китобҳо дар нигоҳ доштани забон нақши аввалияро мебозанд
Дар кӯчаҳои Хоруғ 150 қуттии муосир барои партовҷамъкунӣ гузошта шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар баъзе минтақаҳои Тоҷикистон хавфи омадани сел боқӣ мемонад
Дар Душанбе ҷаласаи муштараки Платформаи миллии коҳиши хатари офатҳои табиӣ баргузор шуд
Дар Суғд саҳми шуроҳои ҷамъиятиро дар амалишавии ислоҳоти милитсия баррасӣ намуданд
Имрӯз дар Тоҷикистон ҳаво то 38 дараҷа гарм мешавад
СОЛИ МАЪРИФАТИ ҲУҚУҚӢ. Роҳбарияти Раёсати Вазорати корҳои дохилӣ дар вилояти Хатлон бо фаъолзанони шаҳри Кӯлоб вохӯрӣ намуд
23 июл Анҷумани ғайринавбатии Ҳизби сотсиалистии Тоҷикистон доир мешавад
20 июл Анҷумани ғайринавбатии Ҳизби ислоҳоти иқтисодии Тоҷикистон баргузор мегардад