ХИЗМАТ БА ВАТАН ҚАРЗИ ШАҲРВАНДИСТ. Дар Тоҷикистон 124 нафар фарзандони мансабдорон ба сафи Қувваҳои мусаллаҳ ҷалб гардиданд
ДУШАНБЕ, 09.11.2022 /АМИТ «Ховар»/. Ба сафи Қувваҳои мусаллаҳи Тоҷикистон ҷалб намудани фарзандони шахсони мансабдор рӯз то рӯз зиёд мешавад. Тибқи маълумоти комиссияҳои даъватӣ ва комиссариатҳои ҳарбӣ, ба ҳолати 30 октябр аз оилаҳои мансабдорон ва дигар кормандону хизматчиёни давлатӣ 124 нафар даъват ва ба хизмати ҳарбӣ ҷалб шуданд, хабар доданд ба АМИТ «Ховар» дар маркази матбуоти Прокуратураи генералии Ҷумҳурии Тоҷикистон.
Дар даъвати тирамоҳии соли 2021 аз оилаҳои мансабдорон ва дигар кормандону хизматчиёни давлатӣ 299 нафар ва дар даъвати баҳории имсол 120 нафарро ба хизмати ҳарбӣ сафарбар кардаанд, ки 19 нафарашон фарзандони кормандони прокуратура мебошанд. Миёни 124 нафари ба хизмати ҳарбӣ ҷалбшуда фарзандони раисони шаҳру ноҳияҳои Файзобод, Тоҷикобод, Рашт, Бохтар, сардори шуъбаи муҳосибот ва молияи Прокуратураи генералӣ, прокуророни ноҳияҳои Ҷалолиддини Балхӣ, Муъминобод ва прокурори ҳарбии гарнизони шаҳри Кӯлоб ҳастанд.
Бояд зикр намуд, ки тибқи Конститутсияи Ҷумҳурии Тоҷикистон ҳифзи Ватан, ҳимояи манфиати давлат, таҳкими истиқлолият, амният ва иқтидори мудофиавии он вазифаи муқаддаси шаҳрвандон аст. Дар айни замон уҳдадории ҳарбии шаҳрвандон дар асоси Қонуни Ҷумҳурии Тоҷикистон «Дар бораи уҳдадории ҳарбӣ ва хизмати ҳарбӣ» амалӣ шуда истода, пурранамоии сафи Қувваҳои мусаллаҳ бо даъватшавандагони ҷисман солим, соҳибмаълумот ва соҳибкасб таъмин гаштааст. Қонуни зикршуда ва фармонҳои ҳамасолаи Президенти Ҷумҳурии Тоҷикистон дар хусуси даъвати шаҳрвандон ба хизмати ҳарбӣ ҳамаи шаҳрвандони синни даъватиро уҳдадор менамояд, ки дар навбати аввал қарзи худ- хизмат ба Модар-Ватанро адо намоянд.
Дар ин замина шумораи шаҳрвандоне, ки аз хизмати ҳарбӣ саркашӣ менамоянд, сол то сол кам шуда, сафи шаҳрвандоне, ки хоҳиши ихтиёран ба хизмати ҳарбӣ рафтан доранд, зиёд мегардад. Ҷавонон дар асоси даъватнома ихтиёран ба комиссияҳои даъватӣ ҳозир шуда, ба хизмати ҳарбӣ сафарбар мешаванд
АКС аз манбаъҳои боз
ЗИНДАГӢ АЗ МОДАР САРЧАШМА МЕГИРАД. Дар ноҳияи Фирдавсӣ чорабинии сиёсӣ — фарҳангӣ доир гардид
«ҲИКМАТИ МОДАР». Бо мақсади арҷгузорӣ ба мақому манзалати Зан – Модар иқдоми ҷумҳуриявӣ оғоз гардид
Дар Душанбе ҳамоиши «Занону модарони тоҷик- нигини пурҷилои тоҷи миллат» баргузор гардид
Дар Тоҷикистон ҳавои моҳи аввали фасли баҳор чӣ гуна мешавад?
Наврӯз дар Тоҷикистон 20 март фаро мерасад
НАҚШИ ЗАНОН ДАР ТАҚВИЯТУ ТАҲКИМИ ХУДШИНОСИИ МИЛЛӢ. Барномаи сиёсӣ-фарҳангии аъзои ҳизби пойтахт баргузор гардид
Аз 4 то 7 март дар Тоҷикистон бориши борон пешгӯӣ мешавад
ПОЙТАХТ — ОИНАИ ДАВЛАТУ МИЛЛАТ. Чаро бархе сокинон нисбат ба иншооти сохташуда беэътиноӣ зоҳир мекунанд?
Дар фасли баҳор кадом бемориҳо авҷ мегиранд?
МАСЛИҲАТИ МУТАХАССИС. Фаромӯшхотирӣ дар калонсолон ба тағйироти синнусолӣ вобаста аст
1 МАРТ — РӮЗИ ҶАҲОНИИ ИММУНИТЕТ. Он системаи муҳофизатии организм маҳсуб мешавад
Дар саросари Тоҷикистон иқдоми ҷумҳуриявии «Гулгардонӣ» оғоз гардид
