Имрӯз дар Ереван ҷаласаи навбатии Шӯрои амнияти дастҷамъии СААД баргузор мешавад
ДУШАНБЕ, 23.11.2022 /АМИТ «Ховар»/. Имрӯз, 23 ноябр дар Ереван ҷаласаи навбатии Шӯрои амнияти дастҷамъии Созмони Аҳдномаи амнияти дастҷамъӣ (СААД) баргузор мешавад, ки дар он сарони кишварҳои узв масоили ҳамкорӣ дар чаҳорчӯби ин созмон ва мушкилоти минтақавиро баррасӣ хоҳанд кард. Тавре АМИТ «Ховар» иттилоъ медиҳад, дар ин бора хадамоти матбуоти СААД хабар дод.
Интизор меравад, ки дар ҷаласа Президенти Ҷумҳурии Тоҷикистон Эмомалӣ Раҳмон ширкат варзанд.
Илова бар ин, имрӯз ҷаласаи муштараки вазирони корҳои хориҷӣ, мудофиа ва котибони шӯроҳои амнияти кишварҳои узви СААД дар назар аст. Иштирокчиён якчанд санадҳо, аз ҷумла эъломияи ниҳоиро, ки барои тасвиб расонидан ба сарони давлатҳо пешниҳод карда мешаванд, тасдиқ хоҳанд кард.
Ёдовар мешавем, ки Аҳдномаи амнияти дастҷамъӣ 15 майи соли 1992 дар шаҳри Тошканд (Узбекистон) аз ҷониби сарони шаш кишвари узви ИДМ – Арманистон, Қазоқистон, Қирғизистон, Россия, Тоҷикистон ва Узбекистон ба имзо расид. Моҳи сентябри соли 1993 Озарбойҷон, моҳи декабри ҳамон сол Гурҷистон ва Беларус ба он шомил шуданд.
Аҳднома 20 апрели соли 1994 ба муҳлати панҷ сол эътибор пайдо кард.
Моҳи апрели соли 1999 Протокол оид ба тамдиди Аҳдномаи амнияти дастҷамъӣ аз ҷониби шаш кишвар (ба истиснои Озарбойҷон, Гурҷистон ва Узбекистон) ба имзо расид.
14 майи соли 2002 Созмони Аҳдномаи амнияти дастҷамъӣ (СААД) таъсис ёфт, ки Арманистон, Беларус, Қазоқистон, Қирғизистон, Россия ва Тоҷикистонро муттаҳид мекард. Моҳи июни соли 2006 «Дар бораи барқарор кардани узвияти Ҷумҳурии Узбекистон дар СААД» қарор қабул карда шуд, аммо моҳи декабри соли 2012 узвияти ин кишвар қатъ гардид. Ҳоло шаш давлат, аз ҷумла Арманистон, Беларус, Қазоқистон, Қирғизистон, Россия ва Тоҷикистон узви СААД мебошанд.
АКС аз манбаъҳои боз
Дар Бадахшон мусобиқаи варзишӣ аз намуди футбол байни сохторҳои қудратӣ ҷамъбаст гардид
Дар Вазорати мудофиаи Тоҷикистон Рӯзи Қувваҳои Мусаллаҳро бо шаҳомати хосса таҷлил намуданд
Дар Вазорати корҳои дохилӣ ба муносибати Рӯзи таъсиси Қувваҳои Мусаллаҳи Тоҷикистон ҳамоиш доир шуд
Бахшида ба Рӯзи Қувваҳои Мусаллаҳ дар Раёсати Вазорати корҳои дохилӣ дар шаҳри Душанбе ҳамоиш доир шуд
Дар Душанбе Рӯзи Қувваҳои Мусаллаҳи Тоҷикистон бошукуҳ таҷлил гардид
Қувваҳои Мусаллаҳ — сипари боэътимоди давлату миллат ва ҳифзи амнияту субот
Бахшида ба Рӯзи таъсиси Қувваҳои Мусаллаҳи Тоҷикистон дар Душанбе ҳамоиши тантанавӣ доир шуд
ҚУВВАҲОИ МУСАЛЛАҲИ ҶУМҲУРИИ ТОҶИКИСТОН. Он на танҳо сохтори низомӣ, балки рамзи мавҷудияту бақои давлат аст
Президенти Тоҷикистон: «Фидокорию ҷонбозиҳои афсарону сарбозони шуҷои Ватан ҳаргиз фаромӯш намешавад»
23 ФЕВРАЛ — РӮЗИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН. Артиши миллӣ 33 сол боз амнияту оромии давлат ва ҷомеаро ҳифз менамояд
ҚУВВАҲОИ МУСАЛЛАҲ — МУҲОФИЗИ СУЛҲ, СУБОТ ВА ЗИНДАГИИ ОСУДАИ МАРДУМ. Иқтибосҳо аз суханрониҳои Президенти Тоҷикистон бахшида ба Рӯзи таъсиси Қувваҳои Мусаллаҳи Тоҷикистон
Бахшида ба 33-солагии таъсиси Қувваҳои Мусаллаҳ дар Вилояти Мухтори Кӯҳистони Бадахшон чорабинии тантанавӣ баргузор шуд
