МАНИЖА ДАР ДУШАНБЕ КОНСЕРТ БАРГУЗОР МЕКУНАД. Барномаи ҳунарии овозхон дар Рӯзи Парчами давлатии Тоҷикистон ба нақша гирифта шудааст
ДУШАНБЕ, 22.11.2022 /АМИТ «Ховар»/. Бори аввал 24 ноябр дар «Кохи Суруш»-и пойтахт бахшида ба Рӯзи Парчами давлатии Тоҷикистон сароянда Манижа барномаи консертӣ баргузор менамояд. Дар ин бора рӯзи шанбеи 19 ноябр модар ва продюсери овозхон Наҷиба Усмонова хабар дод.
Барномаи консертии Манижа зери унвони «Шаҳри офтобии ман» пешниҳод мегардад. Ба гуфти Наҷиба Усмонова, Манижа 20 ноябр дар Алмаато, 21 ноябр дар Тошканд ва 24 ноябр дар Душанбе консерт медиҳад.
Тавре қаблан АМИТ «Ховар» хабар дода буд, «сафари ҳунарии лағвнашаванда» моҳи сентябри соли 2022 оғоз шуда, дар қисмати аввал кишварҳоеро, чун Арманистон, Гурҷистон, Қазоқистон, Қирғизистон ва Узбекистон фаро мегирад. Манижа дар зодгоҳаш — шаҳри Душанбе низ консерти калон барпо хоҳад кард. Ҳамчунин зикр шудааст, ки як қисми даромад аз консертҳо дар доираи сафари ҳунарӣ ба Бунёди дастгирӣ ва ҳимояи одамони дар вазъияти душвори ҳаёт қарордошта- SILSILA, ки Манижа ҳамроҳ бо модараш Наҷиба таъсис додааст, фиристода мешаванд.
Ёдовар мешавем, ки Манижа Сангин (Ҳамраева), ки ҳоло бештар бо номи саҳнавии Манижа маъруф аст, овозхони тоҷики рус, навозандаи мустақил, таронанавис ва сароянда, коргардони клипҳо ва фаъоли ҷамъиятӣ дар заминаи мубориза бо хушунати хонаводагист. Вай 8 июли соли 1991 дар Душанбе таваллуд шудааст. Бобояш марҳум Тоҷӣ Усмон нависанда ва рӯзноманигори маъруфи тоҷик аст. Дар аввали солҳои 90-ум оилаи онҳо ба Россия кӯчид.
Тавре маълум аст, Манижа Сангин то имрӯз охирин иштирокчии Россия дар озмуни мусиқии Eurovision 2021 аст, ки моҳи майи ҳамон сол таронаи «Зани рус»-ро иҷро кард, ки аз рӯи натиҷаҳои овоздиҳӣ ба даҳгонаи сурудҳои беҳтарин роҳ ёфт.
АКС аз манбаъҳои боз
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
