Музаффар Ашуриён ва Раймундас Кароблис ҳамроҳшавии Тоҷикистонро ба Низоми умумии имтиёзҳои Иттиҳоди Аврупо баррасӣ намуданд

ДУШАНБЕ, 29.11.2022 /АМИТ «Ховар»/. Масъалаи ҳамроҳшавии Тоҷикистон ба Низоми умумии имтиёзҳои Иттиҳоди Аврупо (GSP+) дар мулоқоти Вазири адлия Музаффар Ашуриён бо Роҳбари намояндагии Иттиҳоди Аврупо дар Тоҷикистон Раймундас Кароблис баррасӣ гардид. Дар ин бора ба АМИТ «Ховар» дар вазорати мазкур хабар доданд.

Дар мулоқот ҳамчунин масъалаи баргузории ҷаласаи 13-уми Муколамаи ҳуқуқи инсон миёни Ҷумҳурии Тоҷикистон ва Иттиҳоди Аврупо мавриди баррасӣ қарор дода шуд.

Музаффар Ашуриён оид ба омодагии ҷумҳурӣ ҷиҳати баррасии масъалаҳои мазкур дар вохӯриҳои дар пеш истода маълумот дода, омодагии вазоратро роҷеъ ба рушди ҳамкории судманди дуҷониба изҳор намуд.

Раймундас Кароблис ба омодагии Тоҷикистон ба ҷаласаи дар пешистода баҳои баланд дода, вохӯрии мазкурро такони ҷиддӣ ҷиҳати рушди ҳамкории минбаъда номид.

АКС: Вазорати адлияи ҶТ