Намояндагони Вазорати корҳои дохилӣ дар Форуми ҷавонони Россия ва Тоҷикистон иштирок намуданд
ДУШАНБЕ, 17.11.2022 /АМИТ«Ховар»/. 16 ноябр намояндагони Вазорати корҳои дохилии Ҷумҳурии Тоҷикистон дар шаҳри Челябинск дар Форуми ҷавонони Россия ва Тоҷикистон иштирок намуданд. Дар ин бора ба АМИТ «Ховар» дар Вазорати корҳои дохилӣ хабар доданд.
Ҳамоишро ректори Донишгоҳи давлатии Урали Ҷанубӣ Александр Вагнер оғоз намуда, сипас намояндаи расмии Вазорати корҳои дохилии Ҷумҳурии Тоҷикистон дар Федератсияи Россия оид ба ҳамоҳангсозии ҳамкорӣ дар соҳаи мубориза бар зидди ҷинояткорӣ Абдусаттор Фаттозода ва муовини роҳбари дастгоҳи Вазири корҳои дохилии Ҷумҳурии Тоҷикистон Умарҷони Эмомалӣ сухан гуфтанд. Зикр шуд, ки бо шарофати сиёсати хирадмандона ва дурандешонаи роҳбарони ду давлат муносибатҳои кишварҳо дар сатҳи олӣ қарор доранд.
Мавриди зикр аст, ки Форум ҳамасола баргузор шуда, чорабинии муҳим дар самти ҳамкории таълимӣ, илмӣ ва ҷавонон миёни вазорату идораҳои Ҷумҳурии Тоҷикистон ва Федератсияи Россия мебошад.
Имсол Форум дар Донишгоҳи давлатии Урали Ҷанубӣ дар Рӯзи Президенти Ҷумҳурии Тоҷикистон ва 30-солагии Иҷлосияи таърихии XVI Шӯрои Олии Ҷумҳурии Тоҷикистон баргузор гардид.
Мояи хушнудист, ки имсол 50 нафар ҷавонони аз 18 то 35-сола аз Тоҷикистон ва Россия (аз ҳар тараф 25-нафарӣ) дар форуми мазкур ширкат варзиданд. Миёни онҳо намояндагони созмонҳои ҷамъиятии ҷавонон, роҳбарони ҷавон, донишҷӯёни донишгоҳҳо, намояндагони сохторҳои амаликунандаи сиёсати ҷавонон дар Тоҷикистон ва Россия, инчунин намояндагони расонаҳои хабарӣ буданд.
Соли 2022 Форум ба рушди иттиҳоди ВАО-и ҷавонон бахшида шуд. Дар доираи барнома доир ба масъалаҳои мубрами рушди ВАО дар Тоҷикистон ва Россия дарсҳои маҳорат, лексияҳо ва бозиҳои корӣ баргузор шуданд.
Форум аз ҷониби муассисаҳо, идораҳо ва сохторҳои дахлдори Россия, аз ҷумла Вазорати илм ва таҳсили олии Федератсияи Россия ташкил карда шудааст.
Акс: ВКД ҶТ
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
