ҲОМИЁНИ НАЗМУ ТАРТИБОТИ ҶАМЪИЯТӢ. Дар Бадахшон Рӯзи милитсияи тоҷик таҷлил гардид

Ноябрь 8, 2022 16:41

ДУШАНБЕ, 08.11.2022 /АМИТ «Ховар»/. Ҳамасола 10 ноябр дар саросари Тоҷикистон Рӯзи милитсияи тоҷик таҷлил мешавад. Бахшида ба ин сана бо ташаббуси роҳбарияти Раёсати Вазорати корҳои дохилӣ дар Вилояти Мухтори Кӯҳистони Бадахшон ҷамъомади тантанавӣ баргузор гардид. Дар ин бора АМИТ «Ховар» бо истинод ба Мақомоти иҷроияи ҳокимияти давлатии шаҳри Хоруғ хабар медиҳад.

Сардори Раёсати Вазорати корҳои дохилӣ дар ВМКБ Шариф Назарзода иброз дошт, ки имсол Рӯзи милитсияи тоҷик ба ҷашнҳои муҳими сиёсӣ барои халқи тоҷик- Рӯзи Президент ва 30-солагии Иҷлосияи 16-уми Шӯрои Олии Ҷумҳурии Тоҷикистон рост омад. Милитсияи тоҷик аз нахустин рӯзҳои таъсис роҳи душворро тай намуда, аз санҷишҳои таърихӣ гузашт ва аз уҳдаи иҷрои он вазифаҳое, ки дар ҳар давру замон ба дӯши ин ниҳоди давлатӣ гузошта шуда буд, сарбаландона баромад. Таърих гувоҳ аст, ки кормандони милитсияи тоҷик дар ҳама муборизаҳо, алалхусус дар раванди барпо намудани сохти конститутсионии Ҷумҳурии Тоҷикистон ва таъмини истиқрори сулҳу таҳкими Истиқлолияти давлатӣ саҳми арзанда гузоштаанд.

Раиси вилоят Алишер Мирзонабот зикр кард, ки «бо ба даст овардани Истиқлолияти давлатӣ дар таърихи миллату давлат саҳифаи навину дурахшон оғоз гардид, ки дар он солномаи мардонагиву далерӣ, шарафу номуси ватандорӣ, ҷонбозиву корнамоиҳо ва садоқат ба касбу савганди кормандони милитсия сабт гардидааст».

Дар интиҳои ҳамоиши тантанавӣ як зумра кормандони фаъоли мақомоти қудратии милитсия барои иҷрои вазифаҳои хизматӣ аз ҷониби Вазири корҳои дохилии Ҷумҳурии Тоҷикистон бо «Медали шоён», Сипоснома ва Ифтихорномаи сардори Раёсати Вазорати корҳои дохилӣ сарфароз гардонида шуданд.

Ёдовар мешавем, ки 10 ноябр дар Тоҷикистон ҳамчун Рӯзи милитсия таҷлил карда мешавад.

Пешвои миллат муҳтарам Эмомалӣ Раҳмон дар яке аз суханронии худ дар ҷашни Рўзи милитсия фаъолияти мақомоти корҳои дохилиро ҳамчун намунаи ибрат барои дигар сохторҳо арзёбӣ намуда, дар муроҷиат ба кормандони ин сохтор чунин изҳор дошта буданд: «Ман аз ҳар кадоми шумо миннатдорам, ки бо дарки масъулияти баланд, ҳисси ифтихори миллӣ ва ватандӯстиву садоқат вазифаву уҳдадориҳои худро дар назди давлат ва халқи худ адо менамоед. Зеро милитсия ҳомии назму тартиботи ҷамъиятӣ, муҳофизатгари боэътимоди халқ ва давлати Тоҷикистон мебошад. Милитсия посдори суботу оромӣ ва кафили осудагиву хотирҷамъии мардум мебошад».

АКС: Рӯзномаи «Нигини Хоруғ»

Ноябрь 8, 2022 16:41

Хабарҳои дигари ин бахш

4364 САДАМАҲОИ РОҲУ НАҚЛИЁТ ДАР 4 СОЛ. Чӣ тавр пеши роҳи ин ҳодисаҳои нохушро бигирем?
Тоҷикистон дар муборизаи муштарак ба муқобили ҷиноятҳои фаромиллӣ фаъолона иштирок мекунад
Дар Душанбе ҷаласаи роҳбарони мақомоти корҳои дохилии пойтахтҳои давлатҳои аъзои Иттиҳоди Давлатҳои Мустақил баргузор гардид
Дар Бӯстон вохӯрии навбатии гурӯҳҳои кории топографӣ ва гурӯҳҳои кории ҳайатҳои ҳукуматии Тоҷикистону Қирғизистон баргузор гардид
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Прокурори генералии Ҷумҳурии Тоҷикистон бо фаъолони вилояти Суғд вохӯрӣ намуд
Антониу Гутерриш: «Тоҷикистон дар масъалаи буҳрони Афғонистон шарики муҳими Созмони Милали Муттаҳид мебошад»
Президенти Тоҷикистон: «Дар фаъолияти Созмони ҳамкории Шанхай масъалаҳои амнияти минтақавӣ аввалиндараҷа боқӣ мемонанд»
ЭҲТИЁТ — НИМИ ҲАЁТ. Дар фасли тобистон зарфҳои нигаҳдории гази моеъро дар ҷойи соя ва дур аз гармӣ гузоред
Дар Петербург масъалаи истифодаи васеи технологияҳои иттилоотию коммуникатсионӣ дар пешниҳоди хизматрасониҳои давлатӣ дар Тоҷикистон баррасӣ шуд
МУҚОВИМАТ БА ИФРОТГАРОӢ. Дар ин мавзуъ дар Душанбе конференсияи илмӣ-амалӣ баргузор гардид
Намояндагони мақомоти ҳифзи ҳуқуқи Тоҷикистон дар Форуми байналмилалии ҳуқуқӣ дар Санкт-Петербург иштирок намуданд