ПРЕЗИДЕНТИ ТОҶИКИСТОН ДАР ИН БОРА ҲУШДОР ДОДА БУДАНД. Салиби Сурх аз шиддат гирифтани мушкилоти гуманитарӣ дар даҳҳо кишвар дар соли 2023 хабар дод
ДУШАНБЕ, 30.11.2022 /АМИТ «Ховар»/. Соли оянда дар даҳҳо давлатҳои дунё мушкилоти гуманитарӣ шиддат мегиранд. Дар ин бора дар изҳороти Кумитаи Байналмилалии Салиби Сурх (КБСС) гуфта шудааст, хабар медиҳад АМИТ «Ховар» бо истинод ба маълумоти ин созмон.
Ба гуфтаи КБСС, ба кумакҳои гуманитарӣ дар навбати аввал кишварҳое, аз қабили Афғонистон, Сомалӣ, Сурия, Эфиопия, Ҷумҳурии Демократии Конго, Ҳаити, Яман ва ғайра ниёз хоҳанд дошт.
Дар робита ба ин, КБСС даъват мекунад, ки кори ин созмон маблағгузорӣ ва барои лоиҳаҳои гуманитарӣ 2,94 миллиард доллар ҷудо карда шавад.
Дар изҳороти КБСС ҳамчунин гуфта шудааст, ки соли оянда кишварҳо бо чолишҳое, чун тағйирёбии иқлим, болоравии қимати ғизо ва қимати неруи барқ рӯбарӯ хоҳанд шуд. Ҳамчунин дар якчанд минтақаҳо ҷангҳои мусаллаҳона давом мекунанд. “Ҳамаи ин соли 2023-ро ба соли эҳтиёҷоти бузурги гуманитарӣ табдил медиҳанд”,- зикр менамояд КБСС.
Тавре АМИТ «Ховар» хабар дода буд, қаблан Президенти Тоҷикистон Эмомалӣ Раҳмон ҳушдор дода буданд, ки солҳои 2022-2023 “барои башарият аз ҳама ҷиҳат, аз ҷумла дар масъалаи таъмини амнияти озуқаворӣ соли душвортарин ва вазнинтарин” хоҳанд буд. Сарвари Тоҷикистон дар ин бора 1 апрели соли равон зимни суханронии табрикии худ ба муносибати фарорасии моҳи Рамазон изҳори назар намуданд. Дар робита ба ин, Пешвои миллат аз ҳамватанон даъват намуданд, ки бинобар таъсири ҷиддии авзои ҷаҳон ба вазъи иқтисодӣ ва иҷтимоии ҷумҳурӣ барои на кам аз ду сол маводи ғизоӣ захира кунанд.
Президенти Тоҷикистон Эмомалӣ Раҳмон 28 июл дар ҷаласаи навбатии ҳукумати кишвар бори дигар ба ин мавзӯъ пардохта, дар назди Ҳукумат вазифа гузоштанд, ки амнияти озуқавории кишварро ҳифз намуда, инчунин барои бо ҷойи кор таъмин намудани аҳолӣ ҳар ваҷаб заминро оқилона истифода баранд. Ба фикри Сарвари давлат, ин имкон медиҳад, ки соле се-чор ҳосил гирифта, аз ҳисоби кишти такрорӣ майдони кишт зиёд карда шавад.
Зарур аст, ки таъмини бефосилаи бозори дохилӣ фароҳам гардида, содироти меваю сабзавот ва сохтмони корхонаҳои коркарди маҳсулоти кишоварзӣ ба роҳ монда шавад, инчунин барои захираи маводи ғизоӣ дар ҳар оила барои мавсими тирамоҳу зимистон имконият фароҳам оварда шавад, — илова намуданд Сарвари давлат.
Акс: ICRC
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
