РАВАНДИ ОБИ ДУШАНБЕ. Дар Анқара дар мавзӯи Конфронси оби СММ-2023 брифинг баргузор шуд
ДУШАНБЕ, 25.11.2022 /АМИТ «Ховар»/. 24 ноябр сафоратҳои Тоҷикистон, Шоҳигарии Нидерландия ва Дафтари ҳамоҳангсози доимии СММ дар Анқара дар мавзӯи Конфронси СММ оид ба шарҳи фарогири миёнамуҳлати ҳадафҳои Даҳсолаи байналмилалии амал «Об барои рушди устувор, солҳои 2018-2028» дар бинои Намояндагии СММ дар Туркия брифинг баргузор намуданд. Дар ин бора хабарнигори АМИТ «Ховар» Манижа Мақсуд иттиллоъ медиҳад.
Дар маросими кушодашавии он Сафири Тоҷикистон Ашрафҷон Гулов, Сафири Нидерландия Ҷоеп Винандс, Ҳамоҳангсози доимии СММ Алваро Родригес, Ҳамоҳангсози доимии СММ дар Тоҷикистон Сезин Синаноглу ва Сафир Айше Беррис Экинҷи иштирок ва суханронӣ намуданд.
Ашарфҷон Гулов доир ба Конфронси оби СММ дар соли 2023, ки дар шаҳри Ню-Йорк 22-24 марти соли 2023 баргузор мегардад, маълумоти мухтасар пешниҳод кард. Ҳамзамон дипломати тоҷик иштирокчиёнро бо ташаббусҳои ҷаҳонии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти об, алалхусус Даҳсолаи байналмилалии амал “Об барои рушди устувор, солҳои 2018 — 2028” шинос намуд. Зикр гардид, ки имрӯзҳо дар баробари ташаббуси мазкур нисбат ба пешниҳоди дигари Президенти Ҷумҳурии Тоҷикистон оид ба таъсиси Бунёди байналмилалии ҳифзи пиряхҳо ва эълон намудани соли 2025 «Соли байналмилалии ҳифзи пиряхҳо» ҳаматарафа кор бурда мешавад.
Дар брифинг вобаста ба муҳтавои Даҳсолаи байналмилалии амал “Об барои рушди устувор, солҳои 2018-2028”, раванди омодагӣ ба конфронс, барнома, консепсия, инчунин дигар паҳлуҳои он аз ҷониби масъулини вазоратҳои корҳои хориҷӣ ва дигар мақомоти дахлдори Тоҷикистон ва Ҳолланд рӯнамо пешниҳод гардид.
Дар доираи 2 панели алоҳидаи чорабинӣ вобаста ба имконияту мушкилиҳои обу иқлим, энергияи сабз ва интизориҳои ҷонибҳо аз конфронси мазкур мубодилаи афкор сурат гирифт.
Дар маҷмӯъ дар брифинги мазкур зиёда 120 нафар, аз ҷумла кормандони корпуси дипломатии муқими Туркия, масъулини сафоратҳои Тоҷикистон дар кишварҳои хориҷӣ ва коршиносони соҳаи обу иқлим аз Тоҷкистон, Туркия ва Ҳолланд дар шакли ҳузурию маҷозӣ иштирок намуданд.
Пас аз анҷоми брифинг мусоҳибаи сафир бо Агентии иттилоотии «Анадолу» дар мавзӯи ташаббуси байналмилалии Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба Даҳсолаи байналмилалии амал «Об барои рушди устувор, солҳои 2018-2028» ва корҳои тадорукотии Конфронси оби СММ дар соли 2023 доир шуд.
АКС: Сафорати Тоҷикистон дар Анқара/АМИТ «Ховар»
Сафири Тоҷикистон дар Русия бо ҷавонон ва донишҷӯёни тоҷик дар шаҳри Санкт-Петербург мулоқот намуд
Дар Женева дурнамо ва рушди ҳамкорӣ байни Тоҷикистон ва Созмони умумиҷаҳонии моликияти зеҳнӣ баррасӣ шуд
Сафири Тоҷикистон бо Губернатори Санкт – Петербург мулоқот намуд
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
