Вазири молия бо ҳайати Фонди байналмилалии рушди кишоварзӣ барои Тоҷикистон ва ҳайати Бонки содироту воридоти Корея мулоқот намуд
ДУШАНБЕ, 10.11.2022 /АМИТ «Ховар»/. 9 ноябр Вазири молияи Ҷумҳурии Тоҷикистон Файзиддин Қаҳҳорзода бо Директори навтаъйини кишварии Фонди байналмилалии рушди кишоварзӣ барои Ҷумҳурии Тоҷикистон Роберто Лонго мулоқот намуд ва ҷонибҳо вобаста ба ҷараёни татбиқи лоиҳаҳои муштараки сармоягузорӣ дар соҳаи кишоварзӣ ва рушди деҳот мубодилаи афкор намуданд. Дар ин бора ба АМИТ «Ховар» дар Вазорати молия хабар доданд.
Зимни вохӯрӣ таваҷҷуҳи хосса ба масъалаҳои марбут ба таҳия ва татбиқи лоиҳаҳои нави сармоягузории Фонд ҷиҳати таъмини амнияти озуқаворӣ, баланд бардоштани сатҳи зиндагии аҳолӣ ва таҳкими устувории муҳити зист изҳор карда шуд.
Ҷонибҳо оид ба рушду густариши ҳамкории судманд миёни Ҷумҳурии Тоҷикистон ва Фонди байналмилалии рушди кишоварзӣ ба мувофиқа расиданд.
9 ноябр Вазири молия Файзиддин Қаҳҳорзода инчунин бо ҳайати Бонки содироту воридоти Корея (Korea Eximbank) таҳти роҳбарии мудири кулли Раёсати амалиёт Ин-Кю Чо, ки бо сафари корӣ ба шаҳри Душанбе ташриф овардаанд, вохӯрӣ намуд.
Дар вохӯрӣ ҷонибҳо вобаста ба амалӣ намудани Барномаи шарикии инноватсионии иқтисодӣ (EIPP), ки аз маблағҳои грантӣ ташаккул ёфта, ба тавсеаи ҳамкории иқтисодӣ ва рушд миёни Корея ва мамлакатҳои рӯ ба тараққӣ тавассути машваратҳои сиёсӣ ё омодасозии асосноккунии техникӣ-иқтисодии лоиҳаҳои давлатӣ равона шудааст, гуфтугӯи судманд намуданд.
АКС: Вазорати молияи Ҷумҳурии Тоҷикистон
Тоҷикистон ба ҷомеаи рақамии пешрафта бо иқтисоди инноватсионии рақобатпазир табдил меёбад
Дар Барселона имконоти сармоягузории Тоҷикистон муаррифӣ гардид
СОҲИБКОРӢ ҲАМ МАСЪУЛИЯТ МЕХОҲАД! Аз ҷониби кормандони Кумитаи бехатарии озуқаворӣ маҳсулоти гӯштии бесифат мусодира карда шуд
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
Муҳлати лоиҳаи содагардонии расмиёти савдо дар Осиёи Марказӣ то соли 2029 тамдид карда шуд
Тоҷикистон ва Қирғизистон ҳамкориро дар соҳаи инноватсия ва технологияҳои рақамӣ тақвият медиҳанд
Намояндагони Тоҷикистон дар Форуми байналмилалӣ оид ба таҳкими ҳамкорӣ дар самти мубориза бо маводи мухаддир ва ҷинояткорӣ иштирок намуданд
Дар Душанбе Форуми 10-уми Осиёи Марказӣ оид ба идоракунии интернет – CAIGF 2026 баргузор шуд
Дар Душанбе нахустин конфронси байналмилалӣ оид ба мониторинг ва арзёбӣ баргузор шуд
