«ЗАНОН, СУЛҲ, АМНИЯТ ВА МАСОИЛИ МАРБУТ БА ТАЪСИРИ ТАҒЙИРЁБИИ ИҚЛИМ. Ҳайати Тоҷикистон дар иҷлосияи Комиссияи сулҳи СММ иштирок намуд
ДУШАНБЕ, 15.11.2022 /АМИТ «Ховар»/. 10-11 ноябр тибқи даъвати муовини Дабири кулли СММ Амина Муҳаммад Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода бо ҳайати Тоҷикистон дар иҷлосияи Комиссияи сулҳи СММ таҳти унвони «Занон, сулҳ, амният ва масоили марбут ба таъсири тағйирёбии иқлим ва вазъи занон дар Осиёи Марказӣ» дар якҷоягӣ бо аъзои Муколамаи занони Осиёи Марказӣ аз Қазоқистон, Қирғизистон, Тоҷикистон, Узбекистон ва Туркманистон, инчунин намояндагони созмонҳои ҷамъиятӣ ширкат намуд. Дар ин бора ба АМИТ «Ховар» дар Кумитаи кор бо занон ва оила хабар доданд.
Дар доираи иҷлосия Раиси Кумита Ҳилолбӣ Қурбонзода бо муовини Котиби генералии СММ оид ба масъалаҳои сиёсӣ ва ҷаҳонии рушд Розмари Дикарло оид ба пешбурд ва рушди сиёсати гендерии Ҷумҳурии Тоҷикистон ва пешниҳоди ташаббусҳои ҷаҳонии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон вобаста ба тағйирёбии иқлим, бо ҷонишини якуми Котиби генералии СММ Амина Муҳаммад оид ба масъалаҳои пешгирии зӯроварӣ, бо Раиси иҷлосияи 77-уми СММ Чабу Кёрёши оид ба масъалаҳои тағйирёбии иқлим, бо ҳамоҳангсози БРСММ дар ИДМ дар СММ Ивана Живкович оид ба сиёсати гендерӣ ва ҳамкории Кумита бо БРСММ дар Тоҷикистон мулоқоти судманд доир намуд.
Инчунин ҳайати Муколамаи занони Осиёи Марказӣ дар мулоқот бо намояндагони Ҷумҳурии Демократии Мексика ва Ирландия, гурӯҳи ғайрирасмии коршиносони Шӯрои амният оид ба занон, сулҳ ва амният иштирок намуд.
Иштирокчиёни иҷлосия дар якҷоягӣ бо намояндагони ташкилоти ҷамъиятӣ оид ба ташаббусҳои миллӣ, ҳамкории байналмилалӣ ва таҳкими нақши занон дар пешгирии таҳдидҳои глобалӣ мубодилаи афкор намуданд.
Хадаф аз баргузории иҷлосияи мазкур — таъмини иштироки фаъоли занон дар татбиқ ва ҳалли масъалаҳои занон, сулҳ, амният ва ҳалли масъалаҳои марбут ба тағйирёбии иқлим мебошад.
АКС: Кумитаи кор бо занони ва оилаи ҲҶТ
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
Байни Маркази тадқиқоти стратегии Тоҷикистон ва Институти Чин ва Осиёи муосири Академияи илмҳои Русия Ёддошти тафоҳуми ҳамкорӣ ба тасвиб расид
Тавассути «Почтаи Тоҷикистон» беш аз 27 миллион рӯзномаю маҷалла ба мизоҷон расонида шуд
Дар Душанбе Форуми дуюми коршиносии «Осиёи Марказӣ – Русия: рӯзномаи рушди муштарак» ба кори худ оғоз намуд
