35-СОЛАГИИ ИСТИҚЛОЛИЯТИ ДАВЛАТӢ. То ин ҷашн дар Сангвор 65 иншоот бунёд мегардад
ДУШАНБЕ, 31.12.2022. /АМИТ «Ховар»/. Ба пешвози 35-солагии Истиқлолияти давлатии Ҷумҳурии Тоҷикистон дар ноҳияи Сангвор бунёди 65 иншоот ба нақша гирифта шудааст, ки то инҷониб 10 иншоот сохта мавриди баҳрабардорӣ қарор гирифтааст, хабар медиҳад АМИТ «Ховар» бо истинод ба мақомоти иҷроияи ҳокимияти давлатии ноҳияи мазкур.
Айни замон дар ноҳия як қатор корҳои созандагию ободонӣ ба анҷом расидаанд, аз ҷумла сохтмони 3 пули пиёдагузар дар деҳоти Ваҳдат, хонаи истиқоматӣ бо тамоми шароит ба ду шахси бепарастор дар деҳаи Саркорони деҳоти Заршӯён, толори варзиш дар деҳаи Шакоби деҳоти Чилдара, соҳилмустаҳкамкунии маҷрои дарёи Хингоб дар деҳаҳои Тавилдара ва Ёзғанд, сангфарш намудани роҳи деҳаи Шаҳринави деҳоти Тавилдара, таъмиру навсозии пули мошингузари деҳаи Чилдараи деҳоти Чилдара, тоза кардани дараи Сайёди деҳоти Вахиё ва сохтмони хатти оби нӯшокӣ дар деҳаи Хипшони деҳоти Заршӯён. Ҳамчунин, биноҳои маркази савдо ва хизматрасонӣ дар деҳаи Хури деҳоти Вахиё ва бунгоҳи тиббӣ дар деҳаи Сариҷангали деҳоти Тавилдара сохта ба истифода дода шудаанд.
Соли равон барои сохтмони асосӣ дар буҷети маҳаллӣ 640 ҳазор сомонӣ пешбинӣ гардид. Маблағи мазкур мувофиқи нақша барои сохтмони бинои шуъбаи бемориҳои сироятӣ, навсозии боғи фарҳангии маркази ноҳия, таъмири бинои Ҷамоати деҳоти Тавилдара ва сохтмони пойгоҳи бодуҳавосанҷии деҳоти Тавилдара пешбинӣ шуда, корҳои сохтмонӣ дар боғи фарҳангӣ идома доранд.
Соли равон аз тарафи бахши меъморӣ ва шаҳрсозии Мақомоти иҷроияи маҳаллии ҳокимияти давлатии ноҳияи Сангвор барои оғоз намудани корҳои сохтмонӣ 98 адад иҷозатнома барои бунёди хонаҳои истиқоматӣ ва дигар иншоот дода шуд, ки нисбат ба соли 2021 8-то зиёд мебошад.
Ёдовар мешавем, ки бахшида ба ҷашни 30-солагии Истиқлолияти давлатӣ дар ноҳияи Сангвор ба истифода додани 107 иншооти хурду миёна, аз ҷумла меҳмонхонаҳои замонавӣ, осоишгоҳи табобатӣ, марказҳои хизматрасонӣ, сартарошхонаҳо, синфхонаҳои иловагӣ, майдончаҳои варзишӣ, бунгоҳҳои тиббӣ, биноҳои маъмурӣ ва дигар инфрасохтори сайёҳӣ ба нақша гирифта шуда буд.
АКС: бойгонии АМИТ «Ховар»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Корҳои омодагӣ ба ҷашни 40-солагии Истиқлолияти давлатии Ҷумҳурии Тоҷикистон оғоз гардиданд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
