Ба 300 нафар тарбиятгирандагони Мактаб-интернат барои кӯдакони ношунаво ва шунавоиашон сусти вилояти Суғд туҳфаҳои солинавӣ тақдим гардид
СУҒД, 31.12.2022 /АМИТ «Ховар»/. 27 декабр дар арафаи Соли нави мелодӣ Раиси вилояти Суғд тарбиятгирандагони Мактаб-интернат барои кӯдакони ношунаво ва шунавоиашон сусти ба номи Тӯхтабой Ғаффоровро аёдат намуд, хабар доданд ба АМИТ «Ховар» дар Хадамоти матбуоти Раиси вилояти Суғд.
Барои тарбиятгирандагони мактаб-интернат аз ҷониби Мақомоти иҷроияи ҳокимияти давлатии вилоят дастурхони идона ороста шуда, барномаи ҷолиби фарҳангӣ намоиш дода шуд. Раиси вилоят Раҷабой Аҳмадзода ба беш аз 300 нафар тарбиятгирандагони мактаб-интернат аз номи Пешвои миллат муҳтарам Эмомалӣ Раҳмон либосу туҳфаҳои солинавӣ тақдим намуд.
Раиси вилоят бо ҷараёни таълиму тарбия ва фаъолияти маҳфилҳои касбу ҳунаромӯзӣ дар мактаб — интернат шинос шуда, барои боз ҳам беҳтар намудани шароити зист ва таълиму тарбияи хонандагон ба масъулин дастуру супориш дод.
Ёдовар мешавем, ки Мактаб-интернат барои кӯдакони ношунаво ва шунавоиашон сусти ба номи Тӯхтабой Ғаффоров дар Ҷамоати деҳоти Хистеварзи ноҳияи Бобоҷон Ғафуров воқеъ буда, дар он беш аз 300 нафар кӯдакони ношунаво ва шунавоиашон суст аз шаҳру ноҳияҳо ба таълиму тарбия фаро гирифта шуда, барои таҳсилу касбу ҳунаромӯзии хонандагон шароити зарурӣ фароҳам оварда шудааст.
АКС: Хадамоти матбуоти Раиси вилояти Суғд
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
