Ба Конгресси ИМА лоиҳаи қонун дар бораи манъ кардани шабакаи иҷтимоии TikTok пешниҳод гардид
ДУШАНБЕ, 14.12.2022 /АМИТ «Ховар»/. Лоиҳаи қонуне, ки манъи фаъолияти шабакаи иҷтимоии маъруфи TikTok-ро дар ҳудуди ИМА пешбинӣ мекунад, ба палатаи поёнӣ ва болоии Конгресси Амрико пешниҳод гардид, хабар медиҳад ТАСС.
Илова бар манъи TikTok ин санад ҳамчунин имкони ҷорӣ кардани чораҳои маҳдудкунанда нисбат ба ширкатҳои расонаҳоеро, ки таҳти назорати Чин, Федератсияи Россия, Куба, Эрон, Кореяи Шимолӣ ва Венесуэла қарор доранд, дар назар дорад.
Ба гуфтаи конгрессменҳо, лоиҳаи қонун ба ҳифзи шаҳрвандони ИМА аз таҳдидҳои «як қатор давлатҳои рақиб» нигаронида шудааст. Аз ҷумла, гуфта мешавад, кишварҳое, ки бо ИМА муносибати дӯстона надоранд, метавонанд барои таъсир расонидан ба ҷомеаи Амрико ва ё анҷом додани назорат аз шабакаҳои иҷтимоӣ истифода баранд.
TikTok — ин як хизматрасонӣ барои тамошои видеоҳои кӯтоҳ аст, ки ба ширкати «ByteDance»-и Пекин тааллуқ дорад. Ин шабакаи байналмилалӣ, ки соли 2018 ба кор даромад, барномаи пешбари видеоӣ барои видеоҳои кӯтоҳ дар Чин буда, дар кишварҳои дигар маъруфият пайдо кард ва ба яке аз барномаҳои босуръат рушдёбанда ва аз ҳама зеркашидашуда дар ҷаҳон табдил ёфт.
Он дар Чин бо номи «Доуин» маъруф буда, аммо таҳти маҳдудияти сензураи Чин фаъолият мекунад. Намояндагиҳои TikTok дар Москва, Берлин, Париж, Лондон, Ню-Йорк, Лос-Анҷелес, Мумбай, Ҷакарта, Сеул ва Токио ҷойгиранд.
TikTok дар 150 кишвари ҷаҳон беш аз 1 миллиард корбар дорад.
София ШОИК,
АМИТ «Ховар»
АКС аз манбаъҳои боз
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
Моҳи охири фасли тобистон дар Тоҷикистон ҳарорати ҳаво то 1 дараҷа баланд мешавад
Дар Тоҷикистон соли 2026 ҳаҷми маблағи кумакпулии унвонии иҷтимоӣ бештар гардидааст
