Барои навсозии Қалъаи Хуҷанд беҳтарин ҳунармандон ҷалб гардидаанд

Декабрь 6, 2022 09:31

ДУШАНБЕ, 06.12.2022. /АМИТ «Ховар»/. Дар асоси дастуру супоришҳои Пешвои миллат муҳтарам Эмомалӣ Раҳмон ва бо ибтикори мақомоти иҷроияи ҳокимияти давлатии вилояти Суғд корҳои бунёд, таъмиру навсозӣ дар Маҷмааи таърихиву фарҳангии «Қалъаи Хуҷанд» бомаром идома доранд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.

Дар корҳои навсозии Қалъаи Хуҷанд гурўҳи лоиҳакашон, мутахассисон, олимону бостоншиносон, меъморону наққошон, сохтмончиён ва ҳунармандони халқӣ, кулолгарон, рассомону кандакорон машғули кор буда, дар ҳудуди он бунёди иншооти ёрирасон низ идома дорад.

Дар асоси лоиҳа эҳёи деворҳои куҳандиз, бунёди бинои маъмурӣ, намунаҳои хонаву ҳавлиҳои қадимии шаҳри Хуҷанд, меҳмонхонаву осорхона, чойхона, ҳаммому нуқтаҳои хизматрасонӣ ва дигар иншооти ёрирасон ба нақша гирифта шудааст. Ба корҳои сохтмонӣ 10 ширкати бинокорӣ ва даҳҳо нафар мутахассисону сохтмончиён, устоҳои халқӣ, ҳунармандону рассомон, ороишгарону кулолгарон ва кандакорон ҷалб гардида, қалъа бо нигоҳ доштани асосу унсурҳои таърихӣ таҷдид мегардад. Ҳамзамон аз минтақаи Риштони вилояти Фарғона низ ҳунармандон ҷалб гардидаанд.


Раиси вилояти Суғд Раҷаббой Аҳмадзода 4 декабр ба Маҷмааи таърихиву фарҳангии «Қалъаи Хуҷанд» омада, бо ҷараёни корҳои сохтмонӣ дар ин макон шинос гардид.

Раиси вилоят бо рассомону ороишгарон, меъморону таърихнигорон, гаҷкорон ва дигар масъулин суҳбат карда, барои бо сифати баланд ба иҷро расонидани корҳо, ба роҳ мондани ҳафриёти археологӣ, истифодаи унсурҳои миллӣ дар вақти таҷдиду барқарорсозӣ маслиҳату тавсияҳо дод.

Ёдовар мешавем, ки Маҷмааи фарҳангию таърихии «Қалъаи Хуҷанд» яке аз мавзеъҳои хушманзару диққатҷалбкунандаи сайёҳии шимоли Тоҷикистон ба ҳисоб рафта, он на танҳо барои рушди илму фарҳанг, балки равнақи соҳаи сайёҳии ҷумҳурӣ низ мусоидат мекунад.


Қалъаи таърихии Хуҷанд дар маркази шаҳр, дар соҳили рости дарёи Сир дар масоҳати 200х300 м. воқеъ мебошад. Дар бинои қалъа Осорхонаи таърихии вилояти Суғд ҷойгир шудааст, ки яке аз қисматҳои Маҷмааи фарҳангию таърихии «Қалъаи Хуҷанд» аст. Қалъаи бостонӣ ба асри VII тааллуқ дорад.

Ҳамзамон бояд гуфт, ки Маҷмааи «Қалъаи Хуҷанд» аз ҷониби Кумитаи рушди сайёҳии мамлакат ба рӯйхати 10 мавзеи ҷолиби сайёҳии Тоҷикистон дохил гардида, бештар диққати сайёҳони дохилиро ҷалб менамояд.

Рухсораи НУР,
АМИТ «Ховар»

АКС: Хадамоти матбуоти Раиси вилояти Суғд

 

Декабрь 6, 2022 09:31

Хабарҳои дигари ин бахш

«Телевизиони Сафина» дар ҳамкорӣ бо студияи «Hong Pictures»-и Корея филми мустанади муштарак ба навор мегирад
Пагоҳ Кумитаи забон ва истилоҳот, Агентии назорат дар соҳаи маориф ва илм, Палатаи савдо ва саноат, МД «Тоҷикфилм» нишасти матбуотӣ баргузор менамоянд
«ТОҶИКИСТОН-ВАТАНИ АЗИЗИ МАН». Дар озмуни ҷумҳуриявӣ дар давоми 3 сол 8 858 нафар иштирок намудааст
Пагоҳ Кумитаи ҳолатҳои фавқулода ва мудофиаи гражданӣ, Суди Олии иқтисодӣ, Агентии суғуртаи иҷтимоӣ ва нафақа, Хадамоти зиддиинҳисорӣ нишасти матбуотӣ баргузор менамоянд
Дар Маҷмааи таърихиву фарҳангии «Қалъаи Хуҷанд» деворҳои куҳандиз эҳё мегарданд
НИШАСТИ МАТБУОТӢ. Чаро дар 28 китобхонаи ҷамоатҳои шаҳраку деҳоти ноҳияи Лахш китобҳои бачагона ва бадеии тозанашр ниҳоят каманд?
ТАВАҶҶУҲ! Дар Озмуни ҷумҳуриявии «Тоҷикистон-Ватани азизи ман» фаъолона иштирок менамоем
САДА ҶАШНИ МЕҲР АСТ. Дар Донишгоҳи миллии Тоҷикистон ин иди ниёгони тоҷикон бо шукӯҳ таҷлил гардид
Дар Суғд 39 нафар ғолиби Озмуни вилоятии «Хомаи созанда-2022» гардид
6 феврал «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд
«ТОҶИКИСТОН-ВАТАНИ АЗИЗИ МАН». Имсол дар ин озмуни ҷумҳуриявӣ рассомон ва дизайнерон иштирок мекунанд
««ТОҶИКОН» – ОИНАИ ТАЪРИХИ МИЛЛАТ». Шоҳҷоиза барои ғолибон дар ҳар гурӯҳи ин озмуни ҷумҳуриявӣ 70 ҳазор сомонӣ пешбинӣ шудааст