Дар Донишгоҳи давлатии Кӯлоб оид ба ташаббусҳои ҷаҳонии Пешвои миллат ҳамоиш баргузор шуд
КӮЛОБ, 21.12.2022 /АМИТ «Ховар»/. «Ташаббусҳои ҷаҳонии Пешвои миллати тоҷик- кафолати таъмини рушди устувори кишварҳои ҷаҳон»- таҳти чунин унвон 19 декабр дар Донишгоҳи давлатии Кӯлоб ба номи Абуабдулло Рӯдакӣ ҳамоиши ҷумҳуриявии илмӣ-назариявӣ баргузор шуд, хабар медиҳад хабарнигори минтақавии АМИТ «Ховар» Сулаймон ХОЛЗОДА.
Дар ҳамоиш зикр гардид, ки обшавии босуръати пиряхҳо сабаби коҳиши захираҳои обӣ ва мушкилоти сокинони сайёра дар дастрасӣ ба оби ошомиданӣ мегардад. Пешниҳоди Президенти Ҷумҳурии Тоҷикистон муҳтарам Эмомалӣ Раҳмон оид ба ин масъала дар Маҷмаи Созмони Миллали Муттаҳид ҳамовозӣ пайдо намуд.
Ёдовар мешавем, ки 14 декабр Маҷмаи Умумии Созмони Милали Муттаҳид зимни иҷлосияи 77-уми худ қатъномаи «Соли 2025 — Соли байналмилалии ҳифзи пиряхҳо»-ро, ки аз ҷониби Ҷумҳурии Тоҷикистон пешбарӣ шуда буд, бо иттифоқи оро қабул кард.
Тавре муҳтарам Эмомалӣ Раҳмон зикр намудаанд, «ҷомеаи ҷаҳонӣ хуб дарк мекунад, ки коҳиш ва харобшавии минбаъдаи манбаъҳои обҳои ошомиданӣ дар сайёра метавонад аҳли башарро ба фалокатҳои зиёди ҷонӣ, иҷтимоӣ ва иқтисодӣ дучор намояд. Аз ин лиҳоз зарур меояд, ки барои ҳалли ин масоили глобалӣ ҳарчи зудтар чораҳои зарурии муштарак таҳия ва татбиқ шаванд. Мо хушҳол аз онем, ки ташаббуси мо бо дарки масъулият аз ҷониби ҷомеаи ҷаҳонӣ пуштибонии ҳаматарафа ёфт».
Дар идомаи ҳамоиш олимону муҳаққиқон дар мавзӯъҳои «Нақши пиряхҳо дар истеҳсоли захираҳои обии энергетикии минтақа», «Нақши Пешвои миллат дар омӯзиш ва ҳифзи пиряхҳо» ва «Ибтикори навбатии Пешвои миллат дар соҳаи об» сухан намуданд.
АКС: Донишгоҳи давлатии Кӯлоб ба номи Абуабдулло Рӯдакӣ
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
