Дар Душанбе доир ба нақши ҲХДТ дар рушди тафаккури зеҳнии ҷавонон конфронс доир шуд
ДУШАНБЕ, 10.12.2022 /АМИТ «Ховар»/. «Нақши Ҳизби Халқии Демократии Тоҷикистон дар рушди тафаккури зеҳнии ҷавонон» — таҳти ин унвон 9 декабр дар Коллеҷи технологии шаҳри Душанбе бахшида ба 28-умин солгарди таъсиси ҲХДТ конфронси илмӣ-амалӣ баргузор шуд, хабар доданд ба АМИТ «Ховар» дар Кумитаи иҷроияи ҳизб дар ноҳияи Фирдавсӣ.
Дар конфронс мудири шуъбаи кор бо ҷавонони Кумитаи иҷроияи ҲХДТ дар шаҳри Душанбе Насимҷон Ҳомидзода иброз дошт, ки ҲХДТ дар фазои сиёсии мамлакат собитқадамона фаъолият дошта, чун ҳизби мардумӣ ва ормонӣ тавонист худро бо ғояҳои созандаву бунёдкорона ва ватандӯстонаву ватанпарварона ба мардум ба таври арзанда муаррифӣ намояд.
Ҳамчунин намояндаи Раёсати кор бо ҷавонон ва варзиши Мақомоти иҷроияи ҳокимияти давлатии шаҳри Душанбе Юсуф Ғаффорзода, муовини директори Коллеҷи технологии шаҳри Душанбе Гулбиддин Қурбонзод, дотсенти кафедраи гумантарии Донишгоҳи технологии Тоҷикистон Раҷаббой Ҷӯраев сухан намуданд.
Зикр шуд, ки татбиқи босамари сиёсати давлатии ҷавонон аз рӯзҳои нахустини таъсисёбии ҲХДТ дар меҳвари фаъолияти Ҳизби Халқии Демократии Тоҷикистон қарор дорад. Имрӯз ҷавонони созандаи Ватан дар роҳи ватандӯстӣ, таҳкими пояҳои давлатдорию давлатсозӣ, баланд бардоштани ҳуввияти миллӣ ва дарки амиқи масъулияти шаҳрвандии хеш тамоми кӯшишҳоро равона сохта, саҳми назаррас мегузоранд.
ҲХДТ барои иттиҳоди неруҳои солими ҷомеа, бо мақсади зина ба зина баланд бардоштани некӯаҳволии халқ, рушди иқтисод дар заминаи пешрафти шаклҳои гуногуни моликият, таъмини ҳуқуқу озодиҳои инсон таъсис ёфта, баҳри дар амал татбиқ сохтани ин ҳадафҳо кӯшиш менамояд.
Садоқати аъзои ҳизб ва ҷонибдорони сершумори он кафолат медиҳад, ки барои татбиқи пурраи ҳадафҳои стратегии миллӣ – расидан ба истиқлолияти энергетикӣ, ҳифзи амнияти озуқаворӣ ва саноатикунонии босуръати мамлакат чораҳои иловагӣ андешида шаванд.
Дар фарҷом ба як қатор ҷавононе, ки ба узвияти ҲХДТ пайвастанд, шаҳодатномаҳои ҳизбӣ дар фазои тантанавӣ супорида шуданд.
АКС: Кумитаи иҷроияи ҲХДТ дар ноҳияи Фирдавсӣ
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
Имрӯз дар Тоҷикистон ҳавои камабри бебориш пешгӯӣ мешавад
Дар Миср бахшида ба Рӯзи Парчами давлатии Ҷумҳурии Тоҷикистон ҳамоиш баргузор шуд
Дар Донишгоҳи давлатии Кӯлоб Рӯзи Парчами давлатиро ҷашн гирифтанд
Имрӯз дар шаҳри Душанбе чангу ғубор ба амал меояд
ШУКУҲИ ПАРЧАМИ ДАВЛАТӢ. Дар Донишгоҳи байналмилалии сайёҳӣ ва соҳибкории Тоҷикистон ҳамоиши идона доир шуд
Парчами давлатӣ симои Тоҷикистонро чун давлати соҳибистиқлолу соҳибтамаддун дар ҷаҳон муаррифӣ менамояд
