Дар Душанбе масъалаи шомилшавии Тоҷикистон ба низоми GSP+ зимни муколама оид ба ҳуқуқи инсон баррасӣ гардид
ДУШАНБЕ, 07.12.2022 /АМИТ «Ховар»/. Дар ин рӯзҳо ҳайати Иттиҳоди Аврупо ҷиҳати анҷом додани муколамаи ҳуқуқи инсон бо Ҳукумати мамлакат дар доираи GSP+ дар Ҷумҳурии Тоҷикистон қарор дорад.
Дар робита ба ин 6 декабр Ваколатдор оид ба ҳуқуқи инсон дар Ҷумҳурии Тоҷикистон бо мушовири асосии Комиссияи Аврупоӣ, Роҳбари ҳайати GSP+ Эва Синовес ва ҳайати ҳамроҳонаш мулоқот анҷом дод. Дар ин бора ба мухбири АМИТ «Ховар» дар Хадамоти матбуоти Ваколатдор оид ба ҳуқуқи инсон дар Ҷумҳурии Тоҷикистон хабар доданд.
Дар мулоқот кормандони масъули дастгоҳи Ваколатдор оид ба ҳуқуқи инсон иштирок намуданд.
Ваколатдор оид ба ҳуқуқи инсон дар бораи фаъолияти мақомот, аз ҷумла, вазифаҳо, тағйиру иловаҳои воридшуда ба Қонуни Ҷумҳурии Тоҷикистон «Дар бораи Ваколатдор оид ба ҳуқуқи инсон дар Ҷумҳурии Тоҷикистон», дастгоҳи Ваколатдор оид ба ҳуқуқи инсон, сохтори мақомот ва намояндагию қабулгоҳҳои он дар минтақаҳо, санадҳои меъёрии ҳуқуқии танзимкунандаи фаъолияти Ваколатдор оид ба ҳуқуқи инсон, Стратегияи фаъолияти мақомот ва самтҳои афзалиятноки он сухан гуфт.
Аз ҷумла, оид ба маърӯзаҳои пешниҳодшавандаи ҳарсола, самти фаъолияти иттиллоотонии мақомот ва сомонаҳои расмӣ, вазъи мутобиқати мақомот тибқи талаботи Принсипҳои Париж, Барномаи таълим дар соҳаи ҳуқуқи инсон ва ҳадафҳои он, фаъолияти Гурӯҳи мониторингии назди мақомот маълумот пешниҳод гардид.
Хонум Эва Синовес ва ҳайати ҳамроҳонаш дар навбати худ дар бораи вазифаҳо ва фаъолияташон иттилоъ доданд.
Ҳамчунин аъзои ҳайат аз Ваколатдор оид ба ҳуқуқи инсон дар бораи мазмуну мундариҷаи Маърӯзаҳои солонаи Ваколатдор оид ба ҳуқуқи инсон ва Ваколатдор оид ба ҳуқуқи кӯдак, мавҷудияти сохтори алоҳида оид ба қабулу баррасии муроҷиатҳои шаҳрвандон, вазъи ҳуқуқи инсон ва кӯдак дар ҷумҳурӣ ва мушкилоти мавҷуда дар ин самт, сатҳи маърифати ҳуқуқии аҳолӣ, вазъи иҷрои Қонуни Ҷумҳурии Тоҷикистон «Дар бораи баробарӣ ва барҳам додани ҳама гуна шаклҳои табъиз», маблағгузории фаъолияти мақомот, вазъи ҳамкории мақомоти давлатӣ, аз ҷумла Ваколатдор оид ба ҳуқуқи инсон бо сохторҳои ҷомеаи шаҳрвандӣ, масъалаҳои bestpainrelievers.net Ҷумҳурии Тоҷикистон ба низоми GSP+ ва дигар масъалаҳо пурсон шуда, ҷавобҳои мушаххас гирифтанд.
Вохӯрӣ дар фазои ҳусни тафоҳум баргузор гардида, ҷонибҳо омодагии худро ҷиҳати тақвияти ҳамкорӣ иброз доштанд.
АКС: Хадамоти матбуоти ВҲИ
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
Моҳи охири фасли тобистон дар Тоҷикистон ҳарорати ҳаво то 1 дараҷа баланд мешавад
Дар Тоҷикистон соли 2026 ҳаҷми маблағи кумакпулии унвонии иҷтимоӣ бештар гардидааст
БАРНОМАИ РУШДИ РОҲНАМОИ КАСБ. Татбиқи он имкон медиҳад, ки шумораи аҳолии бо ҷойи кор таъминшуда ҳамасола 2-2,2 фоиз афзоиш ёбад
«ЧИЛ ДУХТАРИ ТОҶИК БО ЧИЛ ГЕСӮИ ДАРОЗ». Таҳти ин унвон намоиши либосҳои миллӣ баргузор гардид
Шумораи аҳолии машғул ба фаъолияти иқтисодӣ дар Тоҷикистон беш аз 2 миллион нафарро ташкил медиҳад
