Дар Душанбе татбиқи Ёддошти тафоҳум миёни агентиҳои зиддикоррупсионии Тоҷикистон ва Узбекистон баррасӣ шуд
ДУШАНБЕ, 16.12.2022 /АМИТ «Ховар»/. Дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон ҷараёни иҷрои нақшаи чорабиниҳо оид ба амалисозии Ёддошти тафоҳум миёни агентиҳои зиддикоррупсионии Тоҷикистон ва Узбекистон мавриди баррасӣ қарор гирифт. Дар ин бора АМИТ «Ховар» бо истинод ба Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар медҳад.
15 декабр дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон мулоқоти дуҷонибаи директори Агентӣ Сулаймон Султонзода бо директори Агентии муқовимат ба коррупсияи Ҷумҳурии Узбекистон Акмал Бурханов баргузор гардид.
Зимни вохӯрӣ ҷараёни иҷрои нақшаи чорабиниҳо оид ба амалисозии «Ёддошти тафоҳум миёни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Агентии муқовимат ба коррупсияи Ҷумҳурии Узбекистон барои солҳои 2022-2023» баррасӣ шуда, вобаста ба корҳои дар соли сипаригардида анҷомёфта мубодилаи афкор сурат гирифт.
Зикр гардид, ки ёддошти мазкур барои баланд бардоштани донишу малакаи мутахассисони ҳарду ҷониб, махсусан дар самти пешгирии ҳуқуқвайронкуниҳои ба коррупсия алоқаманд таъсири мусбат расонида, таҷрибаи дар ин самт андӯхта ба беҳтар намудани фаъолият мусоидат намуд.
Вохӯрӣ дар фазои дӯстиву бародарӣ ва ҳусни тафоҳум сурат гирифта, ҷонибҳо азму иродаи хешро ба рушди бемайлони робитаҳои судманд баён намуданд.
Ҳамзамон директори Агентии муқовимат ба коррупсияи Ҷумҳурии Узбекистон Акмал Бурханов дар доираи сафар ба Ҷумҳурии Тоҷикистон ҳамроҳ бо ҳайати узбекистонӣ аз Осорхонаи миллӣ дидан намуд.
Меҳмонон бо дидани толорҳои намоишии шуъбаи таърихи бостон ва асрҳои миёна, шуъбаи таърихи нав ва навтарини Осорхонаи миллӣ аз таърихи куҳани халқи тоҷик, фарҳанги пурғановат ва дастовардҳои замони Истиқлолияти давлатии Ҷумҳурии Тоҷикистон огоҳ гардиданд.
Пас аз анҷоми сайри осорхонавӣ Акмал Бурханов аз боздиди толорҳои намоишӣ изҳори хушҳолӣ намуда, дар китоби «Меҳмонони фахрӣ»-и Осорхонаи миллӣ андешаҳояшро дарҷ намуд.
АКС: Агентии назорати давлатии молиявӣ ва мубориза бо коррупсия/ Осорхонаи миллӣ
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
