Дар Хоруғ кӯпруки пиёдагард баъди барқарорсозӣ мавриди истифода қарор гирифт
ДУШАНБЕ, 19.12.2022 /АМИТ «Ховар»/. 18 декабри соли равон кӯпруки пиёдагрди бозори марказии шаҳри Хоруғ, ки бар асари сӯхтор дар моҳи майи соли равон хароб гардида буд, баъди барқарорсозӣ мавриди баҳрабардорӣ қарор дода шуд. Дарозии кӯпрук 100 ва паҳнои он 4 метро ташкил дода, вазни борбардориаш 17 тонна мебошад. Дар ин бора ба АМИТ «Ховар» дар Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар доданд.
Зикр шуд, ки бар асари сӯхтори моҳи май дар бозори марказии шаҳри Хоруғ кӯпруки пиёдагард, ки ду соҳили дарёро ба ҳам мепайваст, вайрону валангор шуда, ҳаракати мардум дар он номумкин гардид. Бо супориши бевоситаи Пешвои миллат муҳтарам Эмомалӣ Раҳмон Вазорати нақлиёти Ҷумҳурии Тоҷикистон ва мақомоти иҷроияи ҳокимияти давлатии вилоят вазифадор гардиданд, ки иншооти мазкурро ҳарчӣ зудтар барқарор сохта, рафтуомади сокинонро дар ин масир таъмин намоянд.
«Маҳз бо ҳидоятҳои пайвастаи Президенти мамлакат муҳтарам Эмомалӣ Раҳмон ва мусоидати Вазорати нақлиёти Ҷумҳурии Тоҷикистон мо тавонистем ин супориши Пешвои миллатро бо як сарбаландӣ ва дар муҳлати муқарраргардида иҷро кунем»-гуфт Раиси вилоят.
Раиси шаҳри Хоруғ Ризо Назарзода аз дастгириҳои пайвастаи Ҳукумати кишвар, хоса Пешвои миллат ёдоварӣ намуда, гуфт, ки ҷавобан ба ҳамаи ин ғамхориҳо моро зарур аст, ки дар меҳвари сиёсати оқилонаю дурандешонаи Президенти кишвар сарҷамъ бошем, аҳлонаю содиқона меҳнат кунем ва дар рушди нумуи вилоят саҳми арзанда гузорем.
Тазаккур бояд дод, ки корҳои таъмирӣ дар кӯпрук танҳо баъди дастрас шудани масолеҳи зарурӣ аз шаҳри Душанбе ва Ҷумҳурии Мардумии Чин дар моҳи сентябри соли ҷорӣ оғоз гардида, бо ҷалби мутахассисони Идораи хоҷагии роҳҳои автомобилгарди вилоят ва КВД «Бадахшонроҳсоз» он таъмир ва мавриди истифодаи умум қарор гирифт.
Ёдовар мешавем, ки зимни ифтитоҳи кӯпрук Вазири нақлиёти Ҷумҳурии Тоҷикистон Азим Иброҳим, Раиси ВМКБ Алишер Мирзонабот, Раиси шаҳри Хоруғ Ризо Назарзода ва сокинони шаҳр иштирок намуданд.
Акс: МИҲД ВМКБ
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
