Дар шаҳри Истиқлоли вилояти Суғд корхонаи коркарди мис, сурб ва нуқра бунёд мегардад
ДУШАНБЕ, 17.12.2022. /АМИТ «Ховар»/. Бо дастгирии Ҳукумати Ҷумҳурии Тоҷикистон дар шаҳри Истиқлоли вилояти Суғд корхонаи коркарди мис, сурб ва нуқра таъсис ёфта, дар он то 150 нафар бо ҷойи кор таъмин мегарданд. Дар ин бора ба АМИТ «Ховар» дар Хадамоти матбуоти Раиси вилояти Суғд хабар доданд.
Зимни сафари корӣ ба шаҳри Истиқлол 14 декабр Раиси вилояти Суғд Раҷаббой Аҳмадзода бо лоиҳаи корхонаи нав шинос гардид.
Иттилоъ дода шуд, ки корхонаи коркарди мис, сурб ва нуқра аз ҷониби Ширкати куҳӣ-саноатии Тоҷикистону Хитой сохта шуда, лоиҳаи он аллакай пурра омода шудааст. Корҳои сохтмонии корхонаи мазкур соли 2023 оғоз ёфта, дар муддати якуним сол ва бо харҷи 50 миллион доллари ИМА ба анҷом расонида мешаванд.
Раиси вилоят зимни суҳбат бо масъулини Ширкати куҳӣ-саноатии Тоҷикистону Хитой аз муҳимияти бунёди корхонаҳои нави саноатӣ ёдовар шуд. Таъкид гардид, ки дар шаҳри Истиклол барои бунёди корхонаҳои нави саноатӣ зарфият ва имконоти зиёд мавҷуд аст. Дар сурати бунёди корхонаҳои нав ҳам ҳаҷми истеҳсоли маҳсулоти саноатӣ зиёд мегардад ва ҳам шаҳрвандон бо ҷойи кор таъмин мешаванд.
АКС: Хадамоти матбуоти Раиси вилояти Суғд
Намояндагони Тоҷикистон дар Конфронси глобалии Созмони озуқаворӣ ва кишоварзӣ дар Италия иштирок намуданд
Рушди фарҳанги экологӣ дар ҷаласаи Шурои экологии Иттиҳоди Давлатҳои Мустақил баррасӣ карда шуд
Намояндагони Бонки Осиёии Рушд бо фаъолияти гузаргоҳи «Фотеҳобод — Ойбек» шинос шуданд
Пешвои миллат Эмомалӣ Раҳмон дар шаҳри Истиқлол марҳилаи дуюми корхонаи металлургии ҶДММ «Ширкати кӯҳии Тоҷикистону Чин»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Гулистон ба фаъолияти истеҳсолии корхонаи азими саноати маъдантозакунии Адрасмон оғоз бахшиданд
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти коргоҳи нави орди ҶДММ «Ирода Инвест» оғоз бахшиданд
Дар ноҳияи Вахш ҷамъоварии ангур идома дорад
Сарвари давлат Эмомалӣ Раҳмон дар ноҳияи Бобоҷон Ғафуров ба фаъолияти коргоҳи истеҳсолии равғани ҶДММ «Анқо-инвест» оғоз бахшиданд
