ДАР УФУҚҲОИ ДӮСТӢ. Ба Китобхонаи миллии Тоҷикистон 420 шумораи рӯзномаи «Овози тоҷик» туҳфа гардид
ДУШАНБЕ, 07.12.2022 /АМИТ «Ховар»/. Шарқшиноси зодаи Узбекистон, доктори илмҳои таърих Комилҷон Раҳимов, ки бо даъвати Академияи миллии илмҳои Тоҷикистон барои рӯнамоии китобаш ба Душанбе омадааст, зимни боздид аз Китобхонаи миллии Тоҷикистон ба он 420 шумораи рӯзномаи “Овози тоҷик” ва 21 китобу рисолаҳои худро туҳфа кард. Рӯнамоии китоби олими Узбекистон дар Институти фалсафа, сиёсатшиносӣ ва ҳуқуқи ба номи А.М.Баҳоваддинов баргузор мешавад. Дар ин бора ба АМИТ «Ховар» дар Китобхонаи миллӣ иттилоъ доданд.
Комилҷон Раҳимов корманди илмии Академияи илмҳои Ҷумҳурии Узбекистон буда, дар таҳияву тарҷумаи китобҳо саҳм гузоштааст. Аз ҷумла, китоби “Ҳикматҳои Алишери Навоӣ”- ро аз забони узбекӣ ба забонҳои русӣ, туркӣ, форсӣ ва арабӣ тарҷума намудааст. Ӯ зимни суҳбат гуфт, ки бори аввал дар таърих осори Алишери Навоиро ба таври мукаммал тарҷума кардааст. Ва ин китобро Институти шарқшиносии Узбекистон ба номи Абурайҳони Берунӣ соли 2019 бо теъдоди 5000 нусха нашр намудааст.
Комилҷон Раҳимов, ки аз шуъбаи дастхатҳои Шарқ ва китобҳои нодири Китобхонаи миллӣ дидан намуд, иброз дошт, ки ба Тоҷикистон баҳри таҳкими равобити фарҳангӣ омадааст ва ин дувумин сафараш ба кишвари мост.
Мақсади тақдими китобҳову рӯзномаҳоро ба китобхона Комилҷон Раҳимов ба он рабт дод, ки ин китобҳо бояд ба олимони ҳарду кишвар хизмат намоянд.
Ӯ ҳамзамон шукргузорӣ аз муносибатҳои хуби президентҳои ҳарду кишвари дӯст намуд. Аз тамошои боғи Алишери Навоӣ изҳори хушнудӣ карда, афзуд, ки дар таърих бори аввал ҳикматҳои Алишер Навоиро ба форсиву арабӣ комилтар тарҷума кардааст.
«Президентҳоямон боғҳои Абдураҳмони Ҷомӣ ва Алишери Навоиро, ки ифтитоҳ намуданд, мо хостем дарҳои равобити илмиро боз кунем, то ҷавобгӯ ба иқдоми сарони ду кишвар бошанд»,-гуфт Комилҷон Раҳимов.
Мавриди зикр аст, ки як китоби Комилҷон Раҳимов бо номи “Сарчашмаи тасаввуфи Мовароуннаҳр” дар Душанбе ба нашр расидааст. Ин далели таҳкими равобити илмиву фарҳангӣ миёни ду кишвар аст.
Комилҷон Раҳимов аз намояндагони ҷавони соҳаи илм буда, муаллифи беш аз 50 мақолаи илмии дар 7 кишвари хориҷӣ ба табъ расида, 23 монография ва 2 маҷмӯаи илмист. Ба ҳамин тариқ, ӯ дар таълифи маҷмӯаҳои гуногун, луғатномаву энсиклопедияҳо низ саҳми босазои илмӣ гузоштааст.
АКС: Китобхонаи миллии Тоҷикистон
Дар Суғд 39 нафар ғолиби Озмуни вилоятии «Хомаи созанда-2022» гардид
6 феврал «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд
«ТОҶИКИСТОН-ВАТАНИ АЗИЗИ МАН». Имсол дар ин озмуни ҷумҳуриявӣ рассомон ва дизайнерон иштирок мекунанд
««ТОҶИКОН» – ОИНАИ ТАЪРИХИ МИЛЛАТ». Шоҳҷоиза барои ғолибон дар ҳар гурӯҳи ин озмуни ҷумҳуриявӣ 70 ҳазор сомонӣ пешбинӣ шудааст
Хизматчиёни давлатии Тоҷикистон дар шаҳри Беппуи Ҷопон фарҳанги миллати тоҷикро муаррифӣ карданд
Дар озмуни ҷумҳуриявии ««Тоҷикон» – оинаи таърихи миллат» иштирок менамоем
«ТАВАҶҶУҲИ ҲАКАМОН» БА «ДОВ». Филми Тоҷикистон дар Кинофестивали байналмилалӣ соҳиби ҷоиза гардид
Соли 2022 беш аз 138 ҳазор нафар сайёҳон аз мавзеъҳои таърихию фарҳангии вилояти Суғд дидан карданд
АРҶ МЕГУЗОРЕМ. Дар Бохтар Осорхонаи Ҳунарпешаи халқии Тоҷикистон Аловуддин Абдуллозода таъсис меёбад
«КУРУШИ КАБИР»-ЛОИҲАИ НАВИ БАЛЕТ. Ба наздикӣ он дар Душанбе рӯнамоӣ мегардад
Тоҷикистон ҳуҷҷатҳои дахлдорро барои ба номинаи объектҳои мадании ЮНЕСКО ворид шудани Мамнуъгоҳи «Бешаи палангон» пешниҳод намуд
