ДАРАХТ БИНШОН! Дар шаҳри Кӯлоб 500 бех ниҳоли чанор шинонида мешаванд

Декабрь 27, 2022 14:24

КӮЛОБ, 27.12.2022 /АМИТ «Ховар»/. Ба истиқболи ҷашни 35-солагии Истиқлолияти давлатии Ҷумҳурии Тоҷикистон шаҳри Кӯлоб пурра бо гулҳои мавсимӣ ва бисёрсола таъмин карда шуда, дар роҳравҳо 500 адад ниҳолҳои дарахтони чанор шинонида мешаванд, хабар медиҳад хабарнигори минтақавии АМИТ «Ховар» Сулаймон ХОЛЗОДА.

Аз ҷониби Корхонаи давлатии фаръии ниҳолпарварӣ ва сабзазоркунӣ дар шаҳри Кӯлоб ҳамасола беш аз 300 ҳазор бех ниҳолҳо парвариш ва ба фурӯш бароварда мешаванд.

Корхона ҳамасола бо истеҳсоли ниҳолҳои ороишию сояафкан ва гулҳои мавсимию бисёрсолаи ба шароити иқлими минтақа мутобиқ на танҳо кишоварзони минтақаи Кӯлоб, балки хоҷагиҳои деҳқонии дигар вилоятҳоро низ таъмин менамояд. Ҳоло дар замини корхона 100 ҳазор қаламчаи гулҳои бисёрсолаи голландии заррина ва садбарг тайёр намудаанд, ки аз моҳи март сар карда, ба шинонидани онҳо шурӯъ мекунанд.

Директори корхона Сайкабир Шарипов иттилоъ дод, ки «кормандони корхона ба шинонидани қаламча, ниҳолҳои ороишию сояафкан шурӯъ намуда, саъй доранд нақшаи дарпешистодаро сари вақт ба анҷом расонанд. Онҳо ниҳолҳоро аз тухмаш шинонида, парвариш мекунанд ва баъди муддати муайян бо истифода аз боғҳои модарӣ ниҳолҳоро пайванд мекунанд. Дар корхона ниҳолҳои сояафкан, гулҳои мавсимӣ ва бисёрсола парвариш ёфта, харидори худро доранд. Ин аст, ки гулгаштҳо, ташкилоту муассисаҳо, муассисаҳои таълимӣ, биноҳои навсохт, роҳравҳо ва ҳамаи корхонаҳои шаҳри Кӯлоб бо гулҳои рангоранг таъмин мебошанд».


Масъулин аз ҳар порча замини хоҷагӣ самаранок истифода мебаранд. Барои парвариши ниҳол ва гулҳои мавсимии хушсифат заминҳоро киштгардон карда, бо нуриҳои органикию минералӣ коркард менамоянд. Корхона барои оро додани шаҳр корхона ва ташкилотро бо намудҳои гуногуни арча, санавбар, туя, кипарис ва дигар навъҳо таъмин менамояд.

Роҳбарияти корхона тасмим гирифтаанд, ки заминҳои дар ихтиёр доштаашонро самаранок истифода бурда, Фархор, Ҳамадонӣ, Восеъ, Муъминобод ва дигар ноҳияҳоро бо ниҳолҳои сояафкану ороишӣ, гулҳои мавсимӣ ва бисёрсола таъмин намоянд.

АКС: АМИТ «Ховар»

Декабрь 27, 2022 14:24

Хабарҳои дигари ин бахш

ЁДГОРИҲОИ ТАЪРИХӢ-БУЗУРГТАРИН МАКТАБИ ХУДШИНОСӢ БАРОИ НАСЛИ НАВРАСУ ҶАВОН. Бардошт аз суханронии Президенти Тоҷикистон дар маросими ифтитоҳи «Қалъаи Хуҷанд»
Дар шаҳри Бӯстон марҳилаи дуюми корхонаи Ҷамъияти дорои масъулияти маҳдуди «Нуртез» ифтитоҳ гардид
35-СОЛАГИИ ИСТИҚЛОЛИ ДАВЛАТӢ. Дар Суғд зиёда аз 5,5 ҳазор иншоот бунёду навсозӣ ва мавриди истифода қарор дода шудааст
35 СОЛИ ИСТИҚЛОЛИ ДАВЛАТӢ. Дар Бадахшон то охири соли 2024 270 иншоот ба истифода дода мешавад
Дар шаҳри Хуҷанд клиникаи муосири оилавии муосири 1+1 ифтитоҳ гардид
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд Маҷмааи таърихиву фарҳангии «Қалъаи Хуҷанд»-ро баъд аз таъмиру навсозӣ ифтитоҳ намуданд
Пешвои миллат Эмомалӣ Раҳмон дар шаҳри Хуҷанд бинои нави муассисаи таҳсилоти томактабии «Наврӯзи Истиқлол»-ро мавриди истифода қарор доданд
Сарвари давлат Эмомалӣ Раҳмон дар шаҳри Хуҷанд бинои нави Маркази касбомӯзӣ ва хизматрасониро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд Маркази тиббии «Микролаб»-ро ба истифода доданд
Пешвои миллат Эмомалӣ Раҳмон дар шаҳри Хуҷанд корхонаи истеҳсоли равғанро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Истаравшан бинои навбунёди Қасри фарҳангро ифтитоҳ намуданд
Сарвари давлат Эмомалӣ Раҳмон дар шаҳри Истаравшан бо пардабардорӣ аз рӯйи муҷассамаи шоҳ Исмоили Сомонӣ Боғи фарҳангӣ-фароғатии ба номи Исмоили Сомониро ифтитоҳ намуданд