ФУТБОЛ. Соли 2022 дастаҳои мунтахаби Тоҷикистон 96 бозии байналмилалӣ анҷом додаанд
ДУШАНБЕ, 02.12.2022 /АМИТ «Ховар»/. Дар маҷмӯъ, соли 2022 дастаҳои мунтахаби миллии Тоҷикистон оид ба футбол 96 бозии байналмилалӣ анҷом доданд, ки нисбат ба соли гузашта 58 бозӣ зиёд аст. Дар ин бора 1 декабр дар ҷаласаи васеи шӯрои кумитаи техникии Федератсияи футболи Тоҷикистон зикр гардид, хабар медиҳад АМИТ «Ховар» бо истинод ба ФФТ.
Дар ҷаласаи шӯрои кумитаи техникӣ ноиби президенти Федератсияи футболи Тоҷикистон Алишер Урунов, директори техникӣ Салоҳиддин Ғафуров, роҳбарони департаментҳои дастаҳои миллӣ, доварон ва нозирон, маркетинг, шуъбаи таълими техникии ФФТ, директорони Лигаи футболи кишвар, Лигаи футболи кӯдакону наврасони Тоҷикистон, Лигаи футболи бонувон ва Лигаи футзали Тоҷикистон, инчунин роҳбарони федератсияҳои футболи минтақавӣ ширкат карданд.
Дар вохӯрӣ масъулин оид ба корҳои анҷомдода ва натиҷаҳои бадастоварда дар соли равон ҳисобот дода, нақшаҳои худро барои соли 2023 баён намуданд.
Зимнан зикр гардид, ки имсол якбора чаҳор дастаи мунтахаби миллии Тоҷикистон – дастаи яккачини кишвар, дастаи мунтахаби ҷавонон (U-20), наврасон (U-17) ва футзал тавонистанд ба марҳилаи ниҳоии Ҷоми Осиё роҳ ёбанд.
Соли 2022 доварони Тоҷикистон дар 82 вохӯрии байналмилалӣ кор карданд. Дар маҷмӯъ, имсол доварон дар 1658 бозии расмии кишвар, аз ҷумла бозиҳои лигаҳои олӣ, якум, дуюм, чемпионати Тоҷикистон миёни ҷавонон, лигаҳои наврасон, вохӯриҳои лигаҳои бонувон, футзал ва дигар мусобиқаҳо адои вазифа намуданд. Аз соли оянда дар бозиҳои Лигаи олии Тоҷикистон системаи видеодовар (VAR) ҷорӣ карда мешавад.
Имсол таҳти сарпарастии Лигаи футболи кишвар, Лигаи футболи кӯдакону наврасони Тоҷикистон, Лигаи футболи бонувони Тоҷикистон ва Лигаи футзали Тоҷикистон роҳандозии мусобиқаҳои гуногун афзоиш ёфт.
Бо ташаббуси департаменти техникии Федератсияи футболи Тоҷикистон соли 2022 ҳудуди бист курсу семинарҳои таълимӣ барои мураббиён гузаронида шуд. Қарор аст соли оянда дар шаҳри Душанбе дар доираи барномаи таълимии литсензияи «Pro» курсҳои мураббигӣ роҳандозӣ карда шаванд.
Шуъбаи маркетинги ФФТ низ фаъолияти пурсамар анҷом дод. Дар соли 2022 дар Тоҷикистон даҳ мусобиқаи байналмилалӣ таҳти сарпарастии Конфедератсияи футболи Осиё ва Ассотсиатсияи футболи Осиёи Марказӣ баргузор гардид.
Илова бар ин, дар ҷаласаи васеи шӯрои кумитаи техникии Федератсияи футболи Тоҷикистон, ки дар шакли муколамаи ошкоро сурат гирифт, иштирокчиён масъалаҳои муҳимеро, ки дар ояндаи наздик бояд ҳал шаванд, тарҳрезӣ намуданд.
Акс: ФФТ
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
