Хизматчиёни давлатӣ барои таҳсил ба Ҷопон фиристода мешаванд

Декабрь 3, 2022 09:59

 ДУШАНБЕ, 03.12.2022 /АМИТ «Ховар»/. 16 нафар хизматчиёни давлатӣ барои таҳсил ба Ҷопон фиристода мешаванд, хабар доданд ба АМИТ «Ховар» дар Агентии хизмати давлатии назди Президенти Ҷумҳурии Тоҷикистон.

1 декабр дар Агентии хизмати давлатӣ ҷаласаи якуми Комиссияи идоракунии Лоиҳаи пешниҳоди стипендияҳо барои омодасозии кадрҳо дар донишгоҳҳои бонуфузи Ҷопон баргузор шуд.

Дар кори ҷаласа мушовири бахши Ёрдамчии Президенти Ҷумҳурии Тоҷикистон оид ба масъалаи кадрҳо Меҳрӣ Олимшо, сардори раёсати кадрҳои Вазорати корҳои хориҷии Ҷумҳурии Тоҷикистон Анвар Ибодзода, Директори Агентии хизмати давлатӣ Ҷумъа Давлатов, Сафири Фавқулода ва Мухтори Ҷопон дар Ҷумҳурии Тоҷикистон Аики Тосихиро, роҳбари намояндагии Агентии ҳамкории байналмилалии Ҷопон дар Ҷумҳурии Тоҷикистон (JICA) Такасака Мунео, роҳбари минтақавии Дафтари Лоиҳаи JDS дар Ҷумҳурии Тоҷикистон Томиника Юка иштирок намуданд.

Тибқи барномаи ҷаласаи комиссияи идоракунии лоиҳаи мазкур, дар кори комиссия масъалаи сохтор ва амалигардонии лоиҳа дар соли 2022, талаботи тахассусӣ, рӯйхати мақомоти давлатӣ ва ташкилоти пешниҳодкунандаи довталабон, нақшаи корҳои иттилоотӣ, чорабиниҳо барои интихоби хизматчиёни давлатӣ, ҳуҷҷатҳои пешниҳодшаванда ва талаботи интихоб мавриди баррасӣ қарор дода шуда, бо назардошти таклифу пешниҳодҳо ва такмил ҳуҷҷатҳои дахлдор дар кори Комиссияи идоракунии лоиҳа тасдиқ карда шуданд.

Мувофиқи ёддоштҳои табодулӣ байни Ҳукумати Ҷумҳурии Тоҷикистон ва Ҳукумати Ҷопон оид ба «Лоиҳаи пешниҳоди бурсияҳои таҳсилӣ барои рушди захираҳои инсонӣ», Созишномаи грантӣ байни Ҳукумати Ҷумҳурии Тоҷикистон ва Агентии Ҷопон оид ба ҳамкории байналмилалӣ вобаста ба «Лоиҳаи пешниҳоди бурсияҳои таҳсилӣ барои рушди захираҳои инсонӣ» ва Қарордоди байни Агентии хизмати давлатии назди Президенти Ҷумҳурии Тоҷикистон ва Маркази ҳамкории байналмилалии Ҷопон оид ба хизматрасонӣ соли 2023 низ 16 нафар хизматчиёни давлатӣ, аз он 15 нафар ба магистратура ва 1 нафар ба докторантураи донишгоҳҳои Ҷопон интихоб ва барои таҳсил ба Ҷопон фиристода мешаванд.

Мавриди зикр аст, ки ҳамкории Агентии хизмати давлатӣ бо ҷониби Ҷопон сол аз сол тавсеа ёфта, барои рушд ва истифодаи самарабахши захираҳои инсонӣ дар Тоҷикистон тадбирҳои мушаххас андешида мешаванд.

Дар айни замон тибқи стипендияҳои ҷудогардида давоми солҳои 2009-2021 106 нафар хизматчиёни давлатӣ, намояндагони Ҷумҳурии Тоҷикистон барои таҳсил ба магистратура ва докторантура фиристода шуда, 75 нафари онҳо онро сарбаландона хатм намуда, 42,6 % — и онҳо бо болоравии мансабӣ таъмин карда шудаанд.

Имрӯз 31 нафар хизматчиёни давлатии Тоҷикистон дар доираи стипендияҳои мазкур дар давлати Ҷопон таҳсил доранд.

АКС: Агентии хизмати давлатии назди Президенти ҶТ

Декабрь 3, 2022 09:59

Хабарҳои дигари ин бахш

«Тоҷиксуғурта» соли гузашта дар ҳаҷми зиёда аз 5,8 миллион сомонӣ маблағи суғуртавӣ пардохт намуд
Соли 2022 барои таҷдиду барқарорсозии 42 иншооти оби нӯшокӣ беш аз 14 миллион сомонӣ ҷудо карда шуд
НИШАСТИ МАТБУОТӢ. Соли гузашта 770 ҳолати вайрон намудани Қонун «Дар бораи танзими анъана ва ҷашну маросим дар Ҷумҳурии Тоҷикистон» ба қайд гирифта шуд
ФАВРӢ! Роҳи мошингарди Душанбе-Чаноқ кушода шуд
Дар мақомоти Ваколатдор оид ба ҳуқуқи инсон лоиҳаи 50 санади меъёрии ҳуқуқӣ мавриди омӯзиш қарор гирифт
Маркази миллии қонунгузорӣ барои такмили механизми татбиқи қонунҳо беш аз 600 таклиф пешниҳод намуд
IRS ХАБАР МЕДИҲАД. Дар километрҳои аз 52 то 73-юми роҳи Душанбе-Чаноқ 45 тармаи хурду бузург фаромад
Соли 2022 дар Тоҷикистон номи 56 шаҳраку деҳот иваз карда шуд
Агентии обуҳавошиносӣ: «Соли гузашта 365 пешгӯиҳои якшабонарӯзӣ тартиб дода шуд, ки дурустии онҳо 93%-ро ташкил медиҳад»
ТАВАҶҶУҲ! Кумитаи ҳолатҳои фавқулода ва мудофиаи гражданӣ аз резиши сангу фаромадани тарма ҳушдор медиҳад
Доир ба тавзеҳи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон байни хизматчиёни давлатӣ омӯзиши идоравӣ ташкил карда шуд
Табибони тоҷик дар Ҷопон ва Эрон малакаи касбии хешро такмил медиҳанд