«Истифодаи оқилонаи замин дараҷаи иқтисодӣ ва иҷтимоии ҷамъиятиро баланд мебардорад»,- бардошт аз конфронс дар Душанбе

Декабрь 18, 2022 09:46

ДУШАНБЕ, 18.12.2022 /АМИТ «Ховар»/. Масъалаҳои муҳими самаранок истифодабарии заминҳои корам дар шароити биологикунонӣ ва экологикунонии истеҳсолоти кишоварзӣ 15 декабр дар Конферонси ҷумҳуриявии илмӣ-амалӣ дар Донишгоҳи аграрии Тоҷикистон ба номи Шириншоҳ Шоҳтемур баррасӣ гардиданд, хабар доданд ба АМИТ «Ховар» дар Донишгоҳи мазкур.

Зикр шуд, ки истифодаи самараноки обу замин ва зиёд кардани ҳаҷми истеҳсоли маҳсулоти кишоварзӣ бе ворид намудани технологияҳои нав ва риояи қоидаҳои муосири агротехникӣ ғайриимкон мебошад. Ҷорӣ намудани навовариҳои техникӣ, технологияҳои муосир, ташкили меҳнат, ба дастовардҳои илм ва таҷрибаи пешқадам асос ёфта, диверсификатсияи соҳа ва дар ин асос ҷорӣ намудани кишти зироатҳои даромаднокиашон баланд мукаммалгардонии низоми идоракунии соҳа, муносибатҳои муттаҳидшавии хоҷагиҳои деҳқонӣ дар хоҷагиҳои калонҳаҷм, якҷояшавии (интегратсияи) байни хоҷагиҳои кишоварзӣ, корхонаҳои коркард ва шабакаҳои савдо ва дигар масъалаҳо талаботро барои муайян намудани заминаи ҳуқуқии ин равандҳоро ба миён овард.

Оқилона истифода бурдани замин ҳалли қазияҳои таъминоти аҳолӣ бо озуқа, саноатро бо ашёи хом, инчунин баланд бардоштани дараҷаи иқтисодӣ ва иҷтимоии ҷамъиятиро таъмин менамояд. Аз ин лиҳоз самтҳои истифодаи он бояд доимо дар мадди назари олимон, мутахасисон, хусусан деҳқонон қарор гирад.

Раёсати Донишгоҳи аграрии Тоҷикистон ба номи Шириншоҳ Шоҳтемур моҳи июни соли 2022 барои ҳар як кафедраҳои донишгоҳ қитъаи замини корам барои кишти такрорӣ маҳсулоти кишоварзӣ аз заминҳои обии Корхонаи воҳиди таълимитаҷрибавии Ҳисори шаҳри Ҳисор ройгон тақсим намуд, ки ин барои кулли омӯзгорон оид ба таъмини амнияти озуқа бори таъсири хубе расид.

Инчунин дар конфронс мавзӯъҳои «Самтҳои асосии истифодаи замин дар Ҷумҳурии Тоҷикистон», «Муносибатҳои заминдорӣ ва самаранокии истифодабарии заминҳои таъиноти кишоварзии Ҷумҳурии Тоҷикистон», «Самтҳои асосии ташкили истифодабарии самаранокии заминҳои корам», «Мушкилиҳои соҳаи беҳдошти замин ва обёрӣ ва ҳаллӣ онҳо дар доираи Даҳсолаи байналмилалии амал «Об барои рушди устувор» барои солҳои 2018-2028» баррасӣ гардиданд.

АКС: Донишгоҳи аграрии Тоҷикистон ба номи Шириншоҳ Шоҳтемур

Декабрь 18, 2022 09:46

Хабарҳои дигари ин бахш

Дар минтақаи саноатии шаҳри Гулистон қубурҳои полиэтиленӣ ва ноқилҳои барқӣ истеҳсол мешавад
Дар корхонаҳои саноатии Бадахшон имсол ба маблағи қариб 40 миллион сомонӣ маҳсулот истеҳсол карда шудааст
Сайёҳон бештар ба тамошои ёдгориҳои таърихии Тоҷикистон мароқ зоҳир менамоянд
Ҳайати Тоҷикистон дар Форуми байналмилалии сатҳи баланд оид ба сиёсати сайёҳӣ иштирок намуд
Тавассути нақлиёти автомобилӣ қариб 24,5 миллион тонна бор ва 232,6 миллион нафар мусофир интиқол дода шуд
Дар Душанбе вохӯрии минтақавии ниҳодҳои пешбарандаи содироти мамлакатҳои Осиёи Марказӣ баргузор шуд
Ҳайати Тоҷикистон бо раиси Бонки миллии Швейтсария роҳҳои тақвияти ҳамкориро баррасӣ намуд
Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
Саҳми Бонки ҷаҳонӣ дар татбиқи ислоҳоти сохтории иқтисодиёти Тоҷикистон назаррас арзёбӣ гардид
Намоишгоҳи молу маҳсулоти корхонаҳои саноатии Узбекистон дар маркази ЭКСПО-и шаҳри Душанбе то 21 апрел идома меёбад
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст