Кумитаи миллии олимпии Тоҷикистон оид ба рушди иҷтимоӣ тариқи омӯзиш ҳамоиш баргузор намуд
ДУШАНБЕ, 11.12.2022 /АМИТ «Ховар»/. Кумитаи миллии олимпии Тоҷикистон аз 28 ноябр то 8 декабр дар лоиҳаи «Рушди иҷтимоӣ тариқи омӯзиш ва олимпизм»-и Шӯрои олимпии Осиё ҳамоиши омӯзишӣ доир намуд. Дар ин бора ба АМИТ «Ховар» дар Кумитаи миллии Тоҷикистон хабар доданд.
Дар ҳамоиш, ки дар ҳамкорӣ бо Комиссияи варзишгарони КМОТ баргузор шуд, 16 варзишгардухтар аз намуди таэквондо WT ҷалб шуданд.
Директори генералии КМОТ, раиси Комиссияи варзишгарони КМОТ Мавзуна Чориева дар ифтитоҳи ҳамоиш гуфт, ки мақсад аз татбиқи барнома ҷалби бештари бонувон ба варзиш мебошад.
«Дар Ҳаракати олимпӣ ба мавқеи бонувон ва баробарии гендерӣ таваҷҷуҳи хосса зоҳир мегардад. Ҳамин аст, ки дар Бозиҳои олимпии Париж-2024 иштироки баробари мардону бонувон дар назар аст. Дар робита ба ин, Кумитаи миллии олимпии Тоҷикистон низ барои ҷалби бонувон ба варзиш тадбир меандешад. Мо хушҳолем, ки шумораи зиёди бонувон ба намуди олимпии таэквондо машғуланд ва тариқи баргузории чунин ҳамоишҳо метавонем духтаронро ба дигар намудҳои варзиш низ ҷалб намоем», — гуфт М. Чориева.
Ба иштирокчиён муддати панҷ рӯз мутахассиси соҳаи варзиш Исматулло Хоҷаев доир ба мавзӯъҳои гуногун маърӯза хонда, сипас миёни онҳо мусобиқа баргузор шуд.
Ба ғолибону ҷоизадорон медалҳо ва ба ҳамаи иштирокчиён либос ва таҷҳизоти варзишии таэквондо тақдим шуданд.
АКС: КМО Тоҷикистон
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
