Муассисаҳои давлатии нигоҳдории роҳҳои мошингарди ноҳияи Шамсиддини Шоҳин ба давраи зимистон омодагӣ мебинанд
Ш.ШОҲИН, 04.12.2022 /АМИТ «Ховар»/. Муассисаҳои давлатии нигоҳдории роҳҳои мошингарди ноҳияи Шамсиддини Шоҳин ба давраи зимистон омодагӣ мебинанд. Дар ноҳия ду муассиса фаъолият доранд, ки то имрӯз барои гузаронидани фасли сармо ба қадри 90 фоиз омода гардидаанд, хабар медиҳад мухбири минтақавии АМИТ «Ховар» Сулаймон ХОЛЗОДА.
90 километр роҳи байналмилалии Душанбе-Кӯлоб-Кулма-Қароқурум аз ҳудуди ноҳияи Шамсиддини Шоҳин мегузарад, ки ин роҳ ҷумҳурии моро бо давлати Чин мепайвандад. Инчунин 46,5 километри ин роҳ дар тавозуни Муассисаи давлатии нигоҳдории роҳҳои мошингарди минтақаи Яхчипун буда, коргарони ин муассиса барои давраи зимистон омодагӣ мегиранд.
Сардори Муассисаи давлатии назорати роҳҳои мошингарди минтақаи Яхчипун Назаршо Ҳошимов иттилоъ дод, ки “роҳи мазкур аз байни кӯҳҳои баланд мегузарад ва резиши сангу рег, тармафароию дигар омилҳо ба баста шудани он оварда мерасонанд. Аз ин рӯ кормандони муассиса имрӯзҳо тоза кардани ҷӯйборҳои канори роҳ ва бартарафсозии курасангҳоро анҷом медиҳанд. Коргарони ин муассиса 36 километр роҳҳои дорои аҳамияти маҳаллиро низ ба уҳда доранд, ки пайваста дар онҳо таъмири ҷорӣ мегузаронанд”.
Дар ноҳияи Шамсиддини Шоҳин боз муассисаи дигаре фаъолият мекунад, ки 49,5 километр роҳи байналмиллалӣ, 41,5 км роҳҳои ҷумҳуриявӣ ва 137,2 километр роҳҳои дорои аҳамияти маҳаллӣ дар тавозуни он мебошанд. Кормандони ин муассиса низ ба фасли сармо омодагӣ мегиранд, зеро зимистони ин минтақа сарду сербориш ва тӯлонӣ аст.
Мавриди зикр аст, ки қисмати зиёди роҳи байналмилалии мазкур бо дастгирии Ҳукумати Ҷумҳурии Тоҷикистон таҷдиду навсозӣ гардида, мушкилоти ронандагону сокинони ин минтақаҳо дар равуо ва кашонидани молу маҳсулот осон шудааст. Ҳамарӯза ба воситаи ин роҳ садҳо мошинҳои пурбор ҳаракат мекунанд ва муассисаҳои нигоҳдории роҳ ҳаракати мунтазами нақлиётро дар ҳама фаслҳои сол таъмин менамоянд.
Таъмини мунтазами ҳаракати нақлиёт дар роҳҳои мошингарди мамлакат ҳама фаслҳои сол ба уҳдаи муассисаҳои давлатии нигоҳдории роҳҳои мошингард мебошад. Дар ин самт бо дастгирии Вазорати нақлиёти Ҷумҳурии Тоҷикистон ҳамасола муассисаҳои мазкур бо техникаю таҷҳизоти соҳавӣ таъмин карда шуда, мувофиқи нақшаи чорабиниҳо барои бемушкилӣ паси сар намудани тирамоҳу зимистон омодагӣ мегиранд.
АКС: АМИТ «Ховар»
ОМОДАГӢ БА ЗИМИСТОН. Сохторҳои буҷетии ноҳияи Сангвор ба мавсими сармо пурра омода мебошанд
Имрӯз дар баъзе ноҳияҳои Тоҷикистон чангу ғубор ба амал меояд
Имрӯз дар шаҳри Душанбе ҳаво то 27 дараҷа гарм мешавад
Дар ноҳияи Бобоҷон Ғафуров вобаста ба таъмини бехатарии радиатсонӣ машварат баргузор шуд
Нақши ниҳодҳои ҷамъиятӣ дар самти ҳифзи муҳити зист ва ёдгориҳои таърихию фарҳангӣ баррасӣ гардид
Имрӯз дар доманакӯҳҳо ва ноҳияҳои кӯҳии Тоҷикистон ҳаво то 23 дараҷа гарм мешавад
Ба кӯдакони Муассисаи томактабии хусусии «Оиша»-и ноҳияи Восеъ бо се забон таълим дода мешавад
Дар доираи татбиқи лоиҳаи «БРАМОМ-4» дар қитъаҳои алоҳидаи роҳҳо панҷараҳои муҳофизатӣ сохта мешаванд
Имрӯз дар Тоҷикистон ҳавои тағйирёбанда дар назар аст
ОМОДАГӢ БА ЗИМИСТОН. Дар 43 сардхонаи шаҳри Ҳисор беш аз 10 ҳазор тонна маҳсулоти кишоварзӣ захира карда мешавад
Муассисаҳои соҳаи тандурустии вилояти Суғд ба фасли зимистон омода мебошанд
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ оғоз гардид
