Музаффар Ашуриён дар ҷаласаи нуҳуми вазирони адлияи давлатҳои узви СҲШ иштирок намуд
ДУШАНБЕ, 10.12.2022 /АМИТ «Ховар»/. 9 декабр Вазири адлияи Тоҷикистон Музаффар Ашуриён дар ҷаласаи нуҳуми вазирони адлияи давлатҳои узви СҲШ иштирок намуд. Дар ин бора ба АМИТ «Ховар» дар Вазорати адлияи Ҷумҳурии Тоҷикистон хабар доданд.
Ҷаласа таҳти раёсати вазири ҳуқуқ ва адлияи Ҷумҳурии Исломии Покистон, сенатор Аъзам Назир Тарар дар шакли маҷозӣ баргузор шуд.
Дар ҷаласа ҳамчунин вазири ҳуқуқ ва адлияи Ҷумҳурии Ҳиндустон Кирен Риҷиҷу, муовини вазири адлияи Ҷумҳурии Қазоқистон Алма Муканова, вазири адлияи Ҷумҳурии Мардумии Чин Тан Итзюн, муовини вазири адлияи Ҷумҳурии Қирғизистон Бактияр Орозов, котиби давлатӣ – муовини вазири адлияи Федератсияи Россия Андрей Логинов ва вазири адлияи Ҷумҳурии Узбекистон Акбар Тошкулов ширкат варзиданд. Инчунин муовини Дабири кулли СҲШ Эрик Ашимов ширкат дошт.
Дар ҷараёни ҷаласа иштирокчиён навовариҳо дар фаъолияти вазоратҳои адлияи давлатҳои узви СҲШ, нақши вазоратҳои адлияи давлатҳои узви СҲШ дар самти рақамикунонии соҳаҳои марбут ба ваколати онҳо ва натиҷаҳои корҳоро вобаста ба ҳамкории вазоратҳои адлия оид ба иҷрои созишҳо аз рӯи натиҷаҳои маҷлиси ҳаштуми вазирони адлияи давлатҳои узви СҲШ ҷамъбаст намуданд.
Таъкид гардид, ки таъмини волоияти қонун дар асоси принсипҳои эҳтиром, ҳимоя ва кафолати ҳуқуқи инсон дар тамоми соҳаҳои ҳаёти иҷтимоӣ, сиёсӣ ва иқтисодии мамлакат омили асосии субот, устуворӣ ва рушди бомуваффақияти давлатҳои узви СҲШ мебошад.
АКС: Вазорати адлияи Ҷумҳурии Тоҷикистон
Имангалӣ Тасмагамбетов: «Соли 2025 татбиқи Барномаи байнидавлатии мақсадноки СААД оид ба таҳкими сарҳади Тоҷикистону Афғонистон оғоз мешавад»
НИШАСТИ МАТБУОТӢ. Соли 2024 216 тоннаю 787 килограмм маводи пастсифат мусодира ва нобуд гардид
НИШАСТИ МАТБУОТӢ. Ҳодисаҳои нохуш аз бемасъулиятии кормандон ва норасоии мутахассисони соҳавӣ ба амал меоянд
«НОЗИРИ МИНТАҚАВӢ-СИМОИ МИЛИТСИЯ». Барои нозирони минтақавии вилояти Хатлон даври омӯзишӣ гузаронида шуд
«Собиқадорони Вазорати корҳои дохилӣ дар ҳифзи тартиботи ҷамъиятӣ нақши назаррас мегузоранд», — бардошт аз ҳамоиш
Дар Душанбе ҷаласаи ҳамоҳангсозии сохторҳои қудратӣ ва мақомоти ҳифзи ҳуқуқ доир гардид
Таваҷҷуҳ! Насби таҷҳизоти махсуси рӯшноӣ ва садо дар мошинҳои шахсӣ хилофи қонун аст
Дар панҷ соли охир музди меҳнати амалкунандаи кормандони мақомоти ҳифзи ҳуқуқ дар Тоҷикистон 100 фоиз зиёд карда шуд
Дар Қувваҳои мусаллаҳи Тоҷикистон даври якуми таҳсил оғоз гардид
Дар Раёсати Вазорати корҳои дохилӣ дар вилояти Суғд доир ба ҳифзи ҳуқуқу манфиатҳои ноболиғон ҳамоиш доир шуд
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
